Sep 05 – Kukkuran a Darakuna a Soso Manengban!

“Arengan a pzngkarda aran a soso darakuna lingan abo kukkuran ambrij aman daku” (Solomon a Kanen 2:14).

Kitungan a itsuman a soso Krsitu Jisun amangban a dakunaben. Ateng mandranji daku kinsana aninjidaman abmele a oblingtenji ate, do bigardanji saring aninjina bo surda-mar gamdamtenji. Kan ambrij a mandranji bo darakunan janang adhageji ruangan-lingan.

Baruban a hanagan, Kitungan Jisun berlen ateng banangsa abmele mandrengna anabhanan abmele a sosodage are. Anin gadlamle a sosodage a darakunaba a dakunaben abmele, angante anamna do garberan ayam-ling.

Bibolan gamte: “Bindo aman asuyem-taniyanji lumten adnang, itente jandrumsi-nam lumte, antate  kandrabardisi-nam galamdongete” (Mattiu 6:3).

“Bindo aman a garberten adnang alungsing lingan gana. Do sanangan zngadlen a tiki loihlen a dakuten a U’a-nam amangban garbera do loihlen a gijten a U’a-nam uhulkuijan tiytam” (Mattiu 6:6).

“Bindo aman anamten adnang b’ob-nam miholan joda, do mukka-nam amadna. Yante gamle mandranji a ganijgij lingan, anin anamte, gamle aman abmele aggittae. Bindo loihlen a dakutenan U’a-nam a ganijgij lingan antate gittate, bar loihlen a gijten a U’a-nam uhulkuijan tiytam” (Mattiu 6:17-18).

Bogad amben Kitungan batte hanandraman a delenden, amben kun apznkarda arengba a basuben dete do a soso darakunaban, engale Kukkuran (Solomon a Kanen 2:1). Absosonaban ambendaman do Kitungan Jisu amang-ling abpunggedamanaba. Tabubda Jon agadlamaitenan a bernan, anlen absannadamnaben dete do Kristun a d’ong ablangkaben dete. Absosoling abpunggeba Kristun abmele. Do abguguba.

Angante Eliya a d’ong Kitungan hanghangle, a soso janaban a mandrengna beran hanghangle. Atabdong Eliya Raja Ahab amangban yiraiten, Kitungan a d’ong gamle tette saring dunglen yira do e-sona, Jordon aparmanba (1 Raja 17:3). Butente butente ahiman do apemengdamna saiteji, agaja a sosodage dakule adrabtieji do Kitungan a bara janang lumle adrabtieji. Bindo Kitungan gijgijtaben a sosodage amandrengna, er-ganijtage a darakunaban.

Tanahimdam Kitungan a onagji, amengnabented sattang bindo laggaddamnaben dete. Anardodben jale do sosodage amandrengna amengnaben dete. Amben m’oihnaben dete, itedeleja Kitungan tiybenten.

Okiy Kinolbe absele: “Kanalkal dinna lingan Anin a barasu darakuna lingan Anin d’ong-hen absosotih; Anin a marid tambusing lingan Anin d’ong-hen absosotih do Anin d’ong-hen arengan a langka tabnangtih” (Sanenken 27:5).