Sep 05 – KOPOU JUNTU THAKE RAHASYAMAI JAGATE!

Song of Solomon  2:14 “oh ami laga kopou, pathor bhanga laga majete, itu rahasyamai jagate unchain laga.”

Isor icha kore apuni ke thakibole luki thakajagate Krista Jisu te. Bishi ase jun khan dikhai tai khan laga dhon ke aru koi nijor ke ghamandh pora, aru dikhai nijor ke manu khan pora dangor hisab te. Inika manu khan iku bhag nathakibo swarg te.

Pahar te prachar kora te, Isor Jisu koishe bishi utaamta ke jiyai thaka laga jibon ke juntu luki kene ase Tai te. Tai koishe utu jama hoa khan ke lukabole nijor ke jitya tai daan kore, jitya tai khan upwas loi aru prathana kore.

Pobitro kotha te koi: “hoilebi jitya apuni ekta bhal kaam ke kore, janibole nadibi apuni laga baya hath ke ji apuni laga daya hath pora kori ase” (Matthew 6:3)

“hoilebi apuni, jitya prathana kore, jab apuni laga karma te,a ru jitya apuni dorja bondh kore, prathana koribi apuni laga Baba ke jun hi rahasya jag ate ase; aru apuni laga Baba jun dikhe rahasya  pora dibo apuni ke dikhai kene.” Matthew 6:6.

hoilebi apuni, jitya upwas loi, chuni apuni laga matha ke aru dhulabi apuni laga mukh ke, ki apuni nadikhibo manu ke upwas kora nishina, hoilebi apuni laga Baba jun hi ase rahasya jaga te; aru apuni laga Baba jun hi rahasya pora dikhe apuni ke dibo dikhai kene” (Matthew 6:17-18)

Judi apuni ke cholabo Isor pora, apuni thakibo lage bhanga khan te pathor laga aru rahasya jagate utu bhanga laga jag ate, jinika kopou khan thake (Song of Solomon 2:14). Lukabi nijor ke aru dikhabi Isor Jisu ke. John the Baptist laga line te, ami khan nijor ke  komai kene isor Jisu ke barhabo lage.  Lukabi nijor ke aru aru dikhabi  Krista ke. Aru Tai ekla ke sonman koribi.

Jitya Isor pora hikaishe Elijah ke, tai shikhaishe taike bishi utu luki thaka jibon laga kotha.loge loge Elijah ahishe raja ahab laga agete, isor koishe taike jai jabole tate pora aru lukabole cherith laga nadi laga usorte, juntu jodan tea he (1 Kings 17:3). Junkhan bisare naam aru ijaat pichete nijor ke, tai khan kitya bi luki thaka jibon aru manatralay Krista te koribo napare. Hoilebi Isor sai apuni ke thakibole luki thaka jibon, nadikha puka nishina.

Isor laga bcha khan, apuni khan khali jaibo lage kinika thakibo  uporte hoilebi cholai kene ekta nomro jibon. Apuni khan shikhibo lage manibole apuni laga komjuri khan aru thakibo lage luki thaka jibon ke. Apuni khan shikhibo lage anondo hobole, ji paristithi ahile bi ki Isor pora hi apuni ke rakkhishe koi kene.

 Aji bhabna koribole laga pobitro kotha tu hoile psalm 27:5 “kilekoile dukkh laga homoi te Tai amike lukai dibo tai laga mandap te; rahasyama jagate Tai laga mondir laga Tai lukai dibo amike; tai rakhibo ami ke unchate ekta pathor laga.