Sep 04 – KOPOU BHANGA PATHOR LAGA MAJETE!

Song of Solomon 2:14 “oh ami laga kopou, bhanga pathor khan laga majete, rahasyamai jag ate pathor laga.”

Kopou khan tu alag jaga thake thikibole nimite. Tai khan kitya bi gash laga theni khan te nathake, hoilebi chune ekta khas jaga tai khan nijor karone – bhanga pathor khan laga majete ekta khas rahasyamai jaga khan te.

‘unchai pathor laga’ ke koi bhal pora thaka jibon ke, juntu alag ase prithibi laga jibon pora. Kilekoile Krista hi utu pathor ase (1corinthians 10:4). Tai jun hi Krista te ase, kitya bi nathakibo lobh itu gau laga prithibi te. Tai hodai din hi bisaribo utu saman khan juntu uttam ase,a ru tai laga sob bhabna khan aru icha khan bhal hi thakibo.

Prithibi laga manu khan iku bi bhal icha nathake. Tai khan hodai hi dhon kamai kene aru pap laga icha khan te thaki kene itu prithibi laga boni jai. Hoilebi jun khan Isor laga ase, aru itu prithibi laganahoi. Tai khan paar kore itu prithibi ke ekta najana manu nishina. Jitya rajkumar itu prithibi laga ahe apuni te, apuni pai thakibole itu uchai te pathor laga aru khas rahasyamai jaga khan te pathor laga, tinihoile apuni khan mon taan hoi kene kobole  pare ki apuni khan tai karone iku bi nai.

Bhabna koribi ekbaar ‘rahasyamai jaga khan ke utu pathor laga’ – tai khan iman rahasya ase ki kun bi tai khan ke sadharan hisab te dikhibole napare. Aru kopou nijor ke inika jag ate lukai. Jitya kunuba sai, tai khan dikhe utu pathor ke pahar laga aru kopou khan ke nidikhe utu bhanga patjor te thaka khan ke. Itu pora koi prathana laga jibon ke jintu apuni khan loi jabole lage nijor ke Krista te lukai kene.

Khali jitya ami khan thakibo Krista laga pathaor te,amikhan dihibo achurit mahima. Aru inika jibon ke cholai kene loi jabole hi ami khan laga lakshay hobo lage. Tai laga samajik mantralay tu khali tin saal adha nimite thakishe , hoilebi tai lukai kene thakishe manu khan laga akarshan pora tis saal nimite. Utu tin saal adha te, tai khan dikhaishe Baba isor ke aru nijor ke nahoi.

Apuni khan bi lukai kene thakibole lage bhanga pathor khan laga majete. Judi Krista hi utu pathor ase, tinihoile utu bhanaga khan  ase Krista Kruste uthi kene jokhom paa khan . auni khan luki kene thakibole lage Tai laga gojal laga hath khan te, theng khan te aru tai laga  phine. Tai khan hi apuni laga bhanga pathor hobo lage.

Isor laga bacha khan, jitya apuni bhabna kore utu dukh khan jokhom laga ami khan Isor laga, apuni khan bhandhi kene thake Tailaga calvary laga morom pora, aru tai laga theng khan apuni laga rahasya jaga hobo ekta bhanga pathor laga.

Aji bhabna koribole laga pobitro kotha tu hoile 1 Corinthians 2;2 “kilekoile  ami icha kore najani bole iku bi apuni khan bhitor te khali Jisu Krista ke chari kene aru tai balidaan diya te.