Sep 04 – ASENGBA OINA KOUBIBA!

“Corinth da leiba Iswargi singlupta asenbasing kouraba Christa Jesuda sengdokpiraba makhoida , makhoigi su eikhoigisu oiba eikhoigi Ibungo Jesu Christagi mingda mapham khudingda koujaba mi pumnamakta.” (1 Corinthians 1:2).

Iswarna mahakki asengba adu phangnaba eikhoibu koubire. Mahakki damakta eikhoibu asengba mising oina tongan halle. Sastrana hairi, “ maramdi Iswarna eikhoibu sengdaba oinaba kouba natte, adubu asengbada koubibani.” (1 Thessalonians 4:7).

Aduna eikhoibu koubiba Iswarbu asengba oibagi maramna eikhoisu asengba oisi. Asengba yaodana kananasu Iswarbu phangloi. Asengbagi ningthijaba aduda Iswarbu khurumjou. Eikhoibu mahakki asengba phangnaba eikhoibu koubiraba Iswar aduna dharmachenbasing khakta koubibani haina khanganu.

Iswarna icham chamba eikhoigumbasu koubibani,aduga makhoibu dharmchenbasing oihanbibani. Sastrana hairi, “ aduna hairiba asi karino haiba chatuna tamlukho, eina chanbiba pammi, iratpot natte. Maramdi eina dharmachenbasingbu kouba lakpa natte,adubu papisingna pukning honglaknaba kouba lakpani. “” (Mathew 9:13, Mark 2:17, Luke 5:32). Eikhoina papta leiringeimaktada Prabhuna mahakki thawai adu Crossta katthokpire,aduga mahakna eikhoibu mahakki eena chamthokpiduna sengdokpiduna dharmachenbasing oihanbasi mahakki pandam oirammi.

Mahakpu nahakki Prabhu amadi kanbiba mapu oina lousinba matamda nahakki pap khudingbu chamthoktuna nahakpu asengba oihalle. Nahakpu dharmachenba amadi asengba oinaba koubire,madu Iswargi lomba naidaba thourang oibani

Sastrana hai, “ maramdi Iswarbu nungshiba makhoigi damak, mahakki aningba matung inna koubiraba makhoigi damak Iswarna thabak pumnamak phanabagi damak toubi haiba eikhoina khangi.” (Romans 8:28).

“maramdi machin manaosinggi marakta ahanba pokpa oinaba hanna khangkhraba makhoi adu mahakna machanipagi sak ongga mannanaba hanna langibre. Hanna langbikhraba makhoi adu mahakna kousu koubire,koubikhraba makhoi adu mahakna chumhanbire, chumhanbikhraba makhoi adu mahakna matik mangansu chaohanbire.” (Romans 8:29-30).

Nahakpu koubiba Iswar adu asengbada mapum phabani. Aduna nahakpu koubiba mapu aduna asengbada changkhonba oibagumna nahakpusu asengba da changkhonba oigadabani. Nahakna asengbada changkhonba adu oithoktaba oirabadu Iswarna nahakpu kouramloigadabani.  Nahakna asengba punshi hingbada oithokloidaba oirabadi mahakna nahakpu asengba oinaba koubiramloidabani. Aduna mahakki koubiba asi achumba oirabadi nahakna asengbada changkhonba oinaba mahakna nahakpu mateng toubigani.

Iswargi machasing, nakhoi Prabhuda thajaba thammu. Nahakna masi phongdokpiyu, “eikhoibu koubiba mahakpu thajaba yabani. Aduga nahakna nahakki asengba punshida chaokhatpa oiduna changkhonba oiyu.

Dhyan tougadaba: “aduna swargada leiba nakhoigi