Sep 03 – BALAVNI

1 Corinthivalun 1:26-27 Bhayibando thamena balayojako balavnina deko, thamena jeevadar vodi geni ghane cheni. Geneyuna laaz chutena Dev jagathima bana geniyuna taallidocha, joriyana laaz chutena Dev jagathima Bana joriyana taallidocha.

Apanen kunas premethi taallidochko vona herdemellenu. Apan genidhar koni joriya koni,hacho thelividhar reda ghatt chajako koni athoi Prabhu Yesu sarihaddu chenijathra krupana dekalocha. Apan kamjorethi vethejannaj Prabhu Yesu apanepar vor moto premena vundayocha.

Apanen kaithoi badai reda keler athra duraabharam kai chakatho vu kevalam Prabhu Yesu apaner sath cha kajakonaj. Vu Prabhu apaner sath chajethij apan achameran adbhutha kamevun karrecha. Mar premer Dever beptavo Vu Prabhu Yesu apaner sath chakatho ajji thothi moto genidhar Kuna?,  thothi joriya kun? Ajji thothi moto kuncha katho? 1Corinthivalun 1:30,31 Hanu tham Devethi Christhu Yesuma cho, motpan karevalo prabhuvadi motpan karnukan lakkan chajako puro vena,  vuj Devethi apanena genan, niyathan, pavithara, chodayevalo vegocha Kan vanchacha.

Mosen Dev balayojanna Mose Deven dekan ma vathekaren ayenijathra thothlo chu. Vuj Mose Yisraelevalen 40 varas aranyamema chalayena jorya vego.

Yirmia 1:6 vachanema Yirmia vonvu Kam karlen ma nankyaso chora chu manna vathe karen ayeni Kan Dev ko. Vuj Yirmiar mundema pravachan kevaler nai jorya vego.

Pethrun Prabhu balayojana manna chodan dagarjo ma papi chu Kan ko. Vuj Pethrun Athmar varalethi bharan yek moto Aposthaler nai jorya karnako.

D L Moody padotho koni, vu English vathe karatho jann thatta karthethe. Athoi Dev vor vadithi kotyanu koti manikyan Dever Sam pherevaler nai jorya vego.  Vuj DL Moody church  yithihasema yek moto nam chajena aaj sada dekacha.

Paul Angicho sevaken dekathoi vor chathima kannai khasu karan mother vacha vethojako. Vonaj Dev varu karan yek mot Dever seva karevaler nai jorya vego.

Ajji jada dhyan karen pado  Dimovupadeser grandh 28:13