Sep 02 – KOPOU JUNTU THAKISHE!

Genesis 8:9 “hoilebi kopu pora iku thaka laga jaga panai tai laga theng ke rakhibole, aru tai ghurishe nau te dobara.”

Itu dangor baar aha pichete, noah charishe duita chiriya ke tailaga nau laga bahar te- ekta kawa aru kopou ke. Itu duita chiriya bi pura alag adot khan te ase.

Jitya kawa tu bahar jaishe, tai age piche jai thakishe utu pani khan prithibi te nasukha tok. Ki jani tai pora khai thakishe puchi thaka janwar aru manu khan jun khan morishe kilekoile Isor laga faisla pora. Kawa tu ekta shrap thaishe (Leviticus 11:15).

Hoilebi itu kopou tu wapas ahishe nau te, kilekoile tai laga theng rakhibole jaga panai. Purana Niom laga din khan te, Pobitro Atma nichete ahe prithibi te. Hoilebi kilekoile itu prithibi pura paap pora bhorta hoishe, Tai thakibole paranai papi manu khan laga majete. Aru itu khun saguli aru guru khan laga bolidaan te di thaka tu sapha koribole paranai manu khan ke aru thik koribole paranai tai khan ke Pobitro Atma karone tai khan te thakibole. Itu karone Pobitro Atma manu khan tea he aru tai khan laga mon te hodai din karone thakibole napara hoi jai. Tai bisari kene napai ekta jaga thik thakibole tai laga theng ke.

Bishi saal par hoishe, pobitro Atma age pora kobole shuru hoishe Krista laga jonom ke, aru koi thke Krista laga kotha pondit khan pora. Jinika utu kopou nau pora jabole diya, ghuri ahishe ekta jolphai laga pata ke loi kene tai laga muk te, Pobitro Atma anugrah te dishe subh samachar ke Massiha jonom hua laga.

Itu subh samachar hi thakishe juntu ke koishe duth khan pora charwaha khan ke koi kene: “kilekoile thakibi, ami ani ase apuni ke bhal leher dangor anondo laga juntu sob manu khan karone ase.” Jonmo Krista laga hi subh samachar ase. Itu kilekoile Tai karone aru Tai laga mantralay nimite, ki ami khan paishe hodai din laga ashirbaad ke aru subh samachar ke juntu koishe manu jati ke aji laga din te bi.

Jitya kapou ke pothaishe bahar te tisra bar ten au pora, tai ghuri kene ahanai, kilekoile tai prithibi te thaki jaishe. Itu nishina hi, Notun Niom te, Pobitro Atma bi, Swarg laga Kopou ahishe Jisu Krista laga uporte aru Tai te thaki jaishe hodai din nimite. Itu  Pobitro Atma hi jun ke dhalishe chela khan te Pentecost khan laga din khan te. Aji laga din khan te bi, tai thake mon khan te hazar khan laga jun khan biswas kore Isor Jisu Krista ke. Isor laga bacha khan, ki apuni jaga dibo utu Pobitro Atma ke jun apuni te thake?

Aji bhabna koribole laga pobitro kotha tu hoile  Acts 10:44 jitya peter kotha koi thakishe itu khan laga, Pobitro Atma ahishe sob khan te jun khan itu kotha ke hunishe.”