Sep 01 – Kukkuran Basute!

“Jisun tabubdan dean dele tabdong d’an saring dunglen yereten. Bar gijba, riangan rzlen do Kitungan a Janggardan kukkuran ambrij Anin amang lingan a duilenan Anin gijeten” (Mattiu 3:16).

Kukkuran aboi arabmad Marid Janggardan abmele. Angante Jisun Kristun tabubdan hangle, riangan rzlen do Anin gijle Marid Janggardan a labsolaih ate amang lingan, kukkuran ambrij. Marid Janggardan aboi ruangan saring ayirtaih a kukkuran ambrij.

Marid Janggardan ruangang-lingan basute, do labsoling yiraiten Jisu Krsitun amangban, angante Anin tabubdan tiyle. Kitunglen tabubdan tiyle bo surdaberan kan ate anelnji abmele U’a Kitungan, a O’n Kitungan do Marid Janggardan ahimlingan.

Bangsa anobling Mattiu kamb’ol-lingan, anidolan dele Jisun gijle Janggardan alabsolaih ate amangban. Do Bangsa anobling Jon lingan gamle, “Bar Jon sakkin tiy1e gameten, Kukkuran ambrij ruang safing a latsolen a Janggardan hen gijlai, do antate Am’n among lingan duineten” (Jon 1:32).

Marid Janggardan sattang labsole Jisun amang-ling ted bindo basule amang-lingan. Bo surdaberan gijtabe Tabme anosaij-lingan Marid Janggardan abasuten mangbalen ate. Dile ayamabmele mangbale basute, Papwr anosaijan adnangtedayamted.

Angante Kitunglen Jisu Kristun Marid Janggardan abmele oblingle: “Bar Hen U’an a d’ong garbertai, do Anin bo bzgarda Danandraban tiytaben, yante gamle Anin tarda ayam amben ampara rapti dakuten” (Jon 14:16). Yan a bangsa do a rubmang kan ate Marid Janggardan abasuben mangbalen! Kan aboi birdaran ahangle bangsale adakuben asan, engale mangbaben basute. Desalen a dane mar bogad, s’ingbaben hiyaiten basueden, am’oihben asan amben barij ranaptiben atiyepo? Bogad kun ambrij, ogandiban ruangan a kukkuran a tanimhiman do asanagalan, desa a dane maran saring kan ate boi boi murdadam!

Barij ameng-janabanji saring, Kukkuran sattang bibol-lingan gamte anabasudalangne a onted. Anlen kinoltabe Mattiu lingan “Engale odlanji amang lingan murkundardanji ambrij, ettele d’ong-ben Hen appaitai. Anten asan j’adanji ambrij buddidam, do kukkuran ambrij er dusadage deba” (Mattiu 10:16). Tanahimdam Kitungan a onagji, Ruangan a Kukkuran, Marid Janggardan butente barij j’e-linglen basute, Mariddam, do manglen saring manaridan saite, do Anin alung-lingan basute. Amben asurpiddamtenpo Marid Janggardan amangba?

Okiy Kinolbe absele: “Ayengan a Marid Janggardan Kituhgan saring amben ahangle Anin a sarebasingan dong-benji_ na,; do ambenji ambgndamanate ted, antate amben aggalame po?” (1 Korintian 6:19).