Sep 01 – ABHAN POBITRO JON LAGA!

1 Peter 1:15 “hoilebi Tai  jun matishe apuni ke ase pobitro, apuni bi hobi pobitro apuni laga kaam te”.

Dhyan koribi itu Chela Paul pora gurutva diya te pobitro hua te ‘sob apuni laga kaam te’. Chela Paul bi koi ki apuni laga kaam hobo lage ekta uddharan sob biswasi khan karone (1 Taiomothy 4:12). Suku khan isor laga ase ekta taraju nishins sob kaam, kotha aru bhabna karone.

Isor pora tulna kore apuni laga kaam ke Nijor logote. Tai akha kore apuni ke hobole pobitro apuni laga kaam te, kilekoile Tai ase pobitro. Ki jani apuni dilasa dibole nijor ke khilaf te dusra khan ke itu prithibi te,a ru koi ki apuni ase pobitro aru bishi dhramaik  utu manu khan pora bi.

Hoilebi Isor pora tulna nakore apuni ke itu prithibi laga dusra manu khan logote, hoilebi nijor logote, kilekoile apuni ke nirmaan korishe tai laga nijor roop aru vyabahar khan te. Pobitro kotha te koi, “thaki kene apuni laga kaam sonmani majete gentiles khan laga, ki jitya tai khan kotha kore khilaf te apuni laga ekta biya nishina, tai khan hobole, apuni laga  bhal kaam  khan pora juntu tai khan dhyan korishe, mahima koribo isor ke tai khan laga din te lok pa laga” (1 Peter 2:12).

Ki ase ‘kaam’? itu koi ase apuni laga kotha khan ke, apuni laga kaam khan ke, apuni laga bhabna khan ke aru rasta juntu apuni loi jai apuni laga jibon te hodai din karone. Kinika bacha khan Isor laga thakibo lage nijor hi?. Psalms likha khan pora koi, “ashirbaad ase manu jun na berai salha te ahbiswas I laga, nahoilebi khara nokore rasta te paapi khan laga, nahoilebi nabohe kursi te biya khan laga; hoilebi tai laga  khushi ase niom te isor laga,a ru Tai laga niom te tai dhyan kore din aru rati” (Psalm 1:1-2).

Tate thakibo lage swargo morom apuni laga kaam kahn te. Jitya apuni morom kore iku biya nathaki kene, tyag kora, aru niji matlab nathakki kene tini hoile utu morom pora, bishi khan hobo akarshit Krsita phine.a ru naam Isor laga hobo dangor. Isor  Jisu koi, “itu khan dwara sob jani bo ki apuni ase Ami laga chela khan, judi apuni ase morom  ek dusra nimite”. (John13:35).

Notun Niom te, Isor Jisu pora dishe duita ahem adesh khan ami khan thakibole laga. Poila ami khan morom koribo lage Isor ke; sob mon, sob atma aru sob dimag di kene. Dusra ase ami khan morom koribo lage ami khan laga padosi ke nijor ke morom kora nishina. Judi apuni thake nijor ke inika hisab te, Isor khushi hobo apuni te. Apuni apuni khara koribo ekta gawahi hoi ken Tai laga morom laga pura prithibi karone.

Aji dhyan koribolle laga pobitro ktoha tu hoile John 15:12 “itu ase Ami laga adesh, ki apuni morom koribo ekdusra ke jinika Ami morom korishe apuni ke”.