Oct 28 – HOBDO BUDDHI LAGA!

1 Corinthians 12:8-10 “kintu tai ke ekjon ke ase di kene hobdo Buddhi laga Atma dwara,  dusra hobdo buddhi laga utu inika Atma dwara”.

Nauta atmakarik uphar khan majete duita ke mate ‘hobdo’; Hobdo Buddhi laga, aru hobdo Gyan laga. Aru duita bi itu khan ase ekdusra ke nirbhar kora. Isor pora dhar kore ami khan laga gyan ke Tai laga hobdo dwara; aru Tai shikhai ami khan ke buddhi te Tai laga hobdo dwara.

Chela Paul bi koi itu saman khan ke ki tai shikhishe aru sob saman khan ji tu tai ke shikhaishe. Tai koi ki tai shikhishe hobole santosth ji poristhiti te hoilebi. Aru loge loge itu pichete ki tai  bi koi, “sob jag ate aru sob sman khan te ami ke shikhaishe hobole bhorta bi aru bukha bi, hobole gherav bi aru bhugibole dorkari bi” (Philippians 4:12).

Ki ase buddhi? Itu ase  kaam koribole gyan  uporte ekjon pora pai,  ekta samajdar, savdhan aru vivekpurn. Vidyalaya, shikhai diye gyan. Vidyarthi khan bi pai gyan ke tai khan laga kitab pora. Hoile bi itu ekla kafi nahoi. Tai khan thakibo lage buddhi cholabole ki gyan ke hosajibon poristithi te.

Jitya shikhak khan uddharan diye samadhan laga ekta samasya karone borad te, shikshak khan  loi niom khan ke aru pai gyan. Hoilebi utu kaafi nahoi; kilekoile tai khan samadhan koribo lage alag samasya khan ke cholai kene gyan khan.

Tate ase kunuba manukhan jun khan porhi she bishi; hoilebi tai khan najane buddhi ke cholabole utu gyan te aru  barhibole jibon ke. Aru prithibi pora ninda koribo tai khanke aru mate tai khan ke ‘porha likha buddhu’.

Hoilebi tate ase kunuba khan, jun khan iku porha likha nai hoile uttam kore buddhi te. Tai khan thake poorn gherav  samsya ke aru asani pora samadhan koribo.

*Kunuba desh khan thakibo dangor sena aru natun judho laga saman khan. Hoilebi itu ase dorkari khas judho niom khan hobole jit maidan te. Tai khan thakibo sapha homoi hamla, kinika palton khan ke charibo – ki itu hobo ekbaar karone; nahoile rukhi thaki kene. Inika sapha rananeeti, tai khan hobo haar  sob chutu sena khan buddhi logote.

Isor laga bacha khan, hudibi Tai ke divya buddhi. Hudibi hobdo uddhi laga. Buddhi manu bisare sorkar pora aru isor pora bi. Ki apuni cholabo buddhi ke isor laga?*

Aji dhyan koribole laga pobitro kotha tu hoile Exodus 31:3 “aru Ami bhorta hoishe isor laga Atma logote, buddhi te, buja te aru gyan te,  aru sob kisim te kaam khan te”