Oct 28 – HANDOKPIBAGI CHING!

“eibu yengduna kanbiba phangjou,nakhoi taibang sinthungna leiriba mising maramdi eihak Iswarni , aduga atei kanasu leite.” (Isaiah 45:22).

Nahakki mateng lakliba mapham ching adudagi lakpa mateng khudingmaktagi khwaidagi achouba adu handokpiba asini. Nahakpu handokpiba phangnaba Iswarna nangondagi aruba thabak dharmagi oiba thouram kayabu niba nate. Nahakna nollukchana mahakki maphamda  yengjaba matamda mahakna nangbu thoujanbiduna handokpirabani.nahakpu handokpiba khakta nate mahakna nahakpu  pukning thougatpi.

Matam amada Church ki member ahal oirabi ama yamna nungshiba amasi leikhidre. Imung amadi church ki mi khudingmakpu mahakki aroiba thou pangthokpa matam aduda pirang sinthaduna leirammi. Ahal oirabi nupi  adugi macha nipa amakhak leirammi, mahak yamna naha oirammi chahi taramanga gi mi oirammi. Mi khudingmakna mongpham adu thadokpa matamdasu nipa macha aduna leihouraga kaptuna leire. Mahakki mapana hundokkhiba matungda houjikti mama na amuk hundokpire. Aduna mahak yamna awaba phibamda taduna leire.

Nipa aduna asumna leibadu pastor aduna uraga yamna nungairamde. Aduna mahak chattuna konsinbiduna asumna hairammi, “Ichanipa,nangna mongpham adu asumna yenglabadi nanggi ema bu adum ningsinggani aduga nahakki thamoida awaba leihouragani. Aduna mongpham yengluba mahutta swargada oina yengbiyu. Pukning thougatpibagi Iswar adu maduda leibani aduga nanggi emasu maduda leinaba chatlabani. Mahakna nangbu pukning thougatpigani. Mahakna nanggi nateng lakpham oiriba ching aduni. madugi wahei sing aduna naha adu yamna thougatpirammi.

Iswargi machasing,nahak awaba lambida chatlibra? Nahakki punshida  awaba amagi mathakta awaba amana lumsillakpra?maikei khudingmaktagi awabana nahakpu  maiyoknarakpra? Madugi phibamdasu Iswargi mapham adu yengbiyu.

Atiya malem sembiba mapu,nahakpu achumba nunghsibada   thougatpiriba mapu aduda yengkhatlu. Nahakki awaba khudingmakki solution adu mangonda leiri. Nahakki awaba khudingmakki kokhanba ngamba adu Mahakni. Nahakki punshida awaba khudingmak kok hanba ngamba adu Mahakni. Nahakki awaba adusu haraobada onthokpa ngambani.

Iswarna eikhoibu nungshina koubiri. “eingnonda yengduna kanbiba phangba oiyu. O taibang da leiriba mi khudingmak. Mahakkhaktana Iswarni aduga atei kanasu leite. Swargadagi laktuna nahakki damakta Calvary chingda ee tabiduna sibikhre. Aduga Iswarkhaktana nahakpu kanbiba ngammi aduga thougatpiba su ngammi.

Dhyan tougadaba, “eikhoigi thakta Mahakki thoujan adu laktiribaphao eikhoina Iswar adu yengjei.” (Psalm 123:2)