Oct 27 – MON BUDDHI LAGA!

Psalm 90:12 “shikhabi ami khan ke ginibole ami khan laga din khan ke, ki ami khan pabo ekta mon buddhi laga”.

Moses loishe itu acharyajanak prathana ekta icha loi kene tai laga mon te bonabole sarbashresht istemal tai laga  homoi laga. Moses laga pura jibon umor thakishe eksau bis saal; aru ami khan itu ke bhag koribole pare tin bhag te.

Poila laga challis saal te, tai thakishe rajyo te Egypt laga, Pharoah laga suwali laga lora hoi kene; aru pai sarbashresht shiksha. Agla challis saal te, tai bitaishe mati te Midian laga; sadi korishe ekta maiki ke naam Zipporah koi kene; aru charwaha korii thakishe Jethro, tai laga sasur baba laga. Aru bitaishe tai laga hekh laga challis saal khan chutkara dibole isaelites khan ke bandhi pora Egypt laga aru loi jaishe tai khan ke Pratigya mati te – mati dudh aru shehed laga.

Tai laga hekh challis saal khan jibon laga, thakishe acharyamai aru prabhavit. Utu challis saal khan napahoribole laga thakishe atit te isreal laga. Hoi, Moses cholaishe bhal porfa itu homoi ke. Itu karone kile jitya Isor dishe gawahi Moses laga aru koishe: “Ami laag naukar Moses; Tai ase wafadaar sob Ami laga ghor te. Ami koi tai ke chehra pora chehra te, sadharan pora, aru nahoi andhera koa te; aru tai dikhe roop ke Isor laga” (Numbers 12:7-8).

Mises jun paishe inika dangor gawahi ke Isor nijor pora hi, prathana korishe: “shikhabi ami khan ke ginibole ami khan laga din khan ke, ki ami khan pabo ekta mon buddhi laga”.  Aji manu khan uttam hoishe tai laga gyan te ki tai pare jabole chandh te bi. Tai korishe dangor saman khan khan  aru paishe bishi uttamta kaam khan ke computer khan pora. Tai pare dhuribole aeroplane khan aru jai bishi videsh khan te, jai spaceship te aru rocket khan sob planet khan te. Tai ase iman bikshik science te, chemistry te aru medicine khan te. Hoilebi ekta budhdi juntu tai logote nai itu ase buddhi ginibole tai laga din khan ke.

Ekbar ekta kedi, jun rokhi thakishe din ke tai laga mrityu dandh nimite koishe: “Sir, junkhan ase prithibi te nai buddhi ginibole tai laag din khan ke. Hoilebi ami jane thik tarik ke aru homoi ke ami laga mrityu dandh laga, ami gini ase ami laga din khan ke dukh te”.

Tate duita saman khan ase juntu hodai khara kore ami khan agete. Ekta ase mrityu; aru dusra ase Din Isor laga. Aru ami khan najane kuntu hobo age.

Ki jani jun khan itya bi najane aru graham koranai Krista Jisu ke tai khan laga malik aru Rakshak koi kene, buddhi gina laga tai khan din khan itya bi bhoi kori diye tai khan ke. Hoilebi jun khan ase Isor laga, nathakibo iku bhoi, kilekoile Isor pora dishe ami khan ke mon buddhi laga. Isor laga bacha khan, ami khan jiyabo itu prithibi te, khali ekbaar. Ki apuni arpan koribo jibon ke jiyabole, pura di kene icha te Isor laga?

Aji dhyan koribole laga pobitro kotha tu hoile Ephesians 5:16-17 “chutkara pai kene kilekoile din khan ase biya. Itu karone nahobi buddhi nathaka, hoilebi bujibi ki icha ase Isor laga”.