Oct 26 – VUNCHO VATADAJAKO 𝗚𝗔𝗧𝗟𝗔

GEDER GRAND 123:1  ASMANEMA VASAROJAKO THAR DADIYA SAAM MAR ANKIN MELUCHU.

Yetha Daveed massaj ashishen pavnu kajako asathi chakan dekacha. Vu Prabhur vumpar Nazar melojannthij Sari Yisraelevalen Raj Vero von kathra moto nasheeb kunika.

Mar premevalvo thu kanna vatho Prabhur Sam dekeval hamesha vo vuncho badan javu karacha. Jana thar Athmiker jeevanema vaddan javaju renu.

Jethi thu yee Athmik jeevanema jorethin jada jorema ,mahimathi jada mahimama, vunchon chodo sada badan javnu. Thu kanna vatho yekloj rethanu araj karechiko thu Vona savaad karathoj yee sadhya vacha.

Thodsek admivo vunder Athmiker jeevanema yek dappa ghalan, ajjek dappema padjavu karacha. Thu vatho Asso padjayeron jarjayero ,dassek mundag jathanu tham javnu koni.

Ajji tham silokan reda thatho reda renu koni. Lapan thu yek guri mellan Vona pakaldesaru thu dhasan janvu. Geder grand 122:1-2 vachanema Yerushalema Dever deval chajako Olivar gatlapar chadan araj karero masaj Jada sulabhala koni. Jethi Yerushalem thar darwajama hamar pagena melmelecha.