Oct 26 – UPHAR BUDDHI LAGA!

Romans 11:33 “oh, gehra dhon dujon laga bi buddhi aru gyan isor laga!”

‘hobdo Buddhi laga’ ase ekta nauta atmakarik uphar khan majete ami khan paa pobitro Atma dwara (1 Corinthians 12:8). “hoilebi Isor pora dikhaishe tai kahn ke Tai laga atma dwara. Kintu Atma bisare sob saman khan ke, hoi, gehra saman khan Isor laga. Kintu ki manu jane saman khan ekta manu laga chari kene atma manu laga juntu ase tai te? Judibi kun bi najane saman khan ke Isor laga khali Atma Isor laga jane (1 Corinthaisn 2:10-11).

Poila, apuni ke lage buddhi, dangor uphar Atma laga, bhorta koribole yojna khan ke Isor laga. Jitya isor icha kore bonabole dhip ke, Tai saishe manu karone jun bonabo itu ke divya drishti pora. Bezalel thakishe utu manu; aru isor bhorta korishe tai ke Atma pora Isor laga, buddhi te, buja te, gyan te aru sob kisim te kaam kora manu laga, bonabole hath laga kaam khan ke son ate, chandi te aru pital te gehna kata te aru khori ke bonai diya, aru kaam koribole sob kisim ke (Exodus 31:1-5).

Dusra, apuni ke lage buddhi, samadhan kora smasya khan ke. Hodaid in laga jibon te, bishi samasya khan ulai porivaar te. Poila din khan laga girja khan te, girja laga barhotri te ulai bishi samasya kahn bi (Acts 6:1). Jitya apuni pai uphar ke buddhi laga,a puni sapha pora kobo pare samdhan ke samasya laga. Holebi judi apuni nirbhar kore manu laga buddhi ke, itu  pora loi najabo ekta bhal samadhan te; hoilebi hekh kore bhag kora te porivaar khan ke. Girja khan bi bhange, inika ke nirbhar kora te ase manu laga buddhi te.

Tisra,apuni ke lage buddhi, thik buddhi pora jawab dibole swal kahn te jun uthai ami khan laga gehrav te prithibi te. Kunuba khan hudibo pare tai khan najani kene; hoilebi kunuba khan hude khali apuni te phanda lagabole. Buddhimaan manu Solomon koi, “jawab nadibi ekta buddhu ke tai laga buddu te, nahoilebi apuni bi hobo tai nishina” (Proverbs 26:4). Isor pora dibo apuni ke buddhi kobole thik hobdo khan thik homoi te; juntu kun bi mana koribo naparibo.

Chautha, buddhi bishi dorkari ase pabole atma khan ke Krista nimite (Proverbs 11:30). Kunuba biswasi khan, itya tai khan prachar kore Krista laga, rasta kinarte, bonai bayan ki “apuni seva kori ase balu ke aru pathor ke. Itu ase dangor paap. Apuni laga isor khan ase misa aru tai khan hosa te ase satan’. Tai khan hekh hoi manu laga mon aru bhabna ke mon bikhai kene jun khan Bisawas te nai inika buddhi nathaka kotha koi kene shuru pora. Itu laga natija, mon khan tai khan laga jun khan hune taan hoi jai aru tai khan shuru hoi itu laga khilaf koribole Susmachar ke.

Apuni itu karone, mangibo lage Isor ke buddhi karone ki kinika kotha kobo lage sob ke, aru kinika pabo lage atma khan ke Krista karone. Isor laga bacha khan, apuni ke lage buddhi ghosna koribole Susmachar ke; aru dibole kotha ke Isor laga.

Aji dhyan koribole laga pobitro kotha tu hoile Isaiah 50:4 “Isor Pormeshwar pora dishe Ami ke jib shikha laga, ki Ami janibo lage kinika kotha koribole ekta kotha botor te tai ke jun ase bhagor hoi kene. Tai utahi diye Ami ke phujir pora phujir, Tai uthai diye ami laga kaan ke hunibole jinika shikhak hune”.