Oct 25 – LOUSINGGI MAPANNA PANGGAL!

“asingba midi panggal kanbani, hoi, wakhal taba migi mapanggal di hengatpani.” (Proverbs 24:5).

Ecclesiastes ki lairikta asumna  eduna lei:  sahar macha ama leirammi amasung maduda mi kharadang tarammi, aduga achouba ningthou ama madugi maiyokta laktuna madu langgoi chankhi, aduga madugi maiyokta achouba lanbansing sakhi. Maduda lairaba asingba nipa ama leirammi amasung mahakna mahakki marousingna sahar adu kanbikhi, adum oinamak  mi amatana hairaiba lairaba nipa adubu ningsingbikhide. Adudagi eina haikhi, “ lousingna panggandagi helli. Adum oinamak lairaba migi lousingdi thousabide, aduga mahakki wasing tabide.” (Ecclesiastes 9:14-16).  Lairba asingba nipa adugi lousing adu matik leiraba ningthou adugi henna phaban. Aduga madugi lairaba nipa adugi lousinggi mapanna sahar adu kanbikhibani.

Mi mayam amasi harao kumheigi oina koiba chatlammi. Adubu phamminnaba nupi anigi marakta nugnainadaba ngangnaba ama thoklammi. Makhoi adugi maram karino? Amana  hai, windou asi hangdoktrabadi sor honba ngamdre, adubu amaduna amukka haibadudi window hangduna leirabadi aingbasina maram oiduna sigani hai. Khitang yetnaba aduna achouba khatnaba oihallammi,aduga nupi atoppanasu makhoi anigi nakan nakanda michang changlammi. Makhoi adu control toubada awaba ama oiduna makhoi phugainaba takhi.

Nipa asingba amasina makhoigi irang adu munna yengduna asumna hairakkhi, masigi trip asida eikhoina mayam na sen tingbani adubu masigi nupi anisina eikhoi apumbagi oina awaba thok halli. Window aduna pung amaga pungkhai asi hangdoktuna thamo aduna makhoi anigi marakta amana sinabani. Aduga matou adugumna window adu pung ama ga pungkhai lonsillu,adu oirabadi makhoi anigi marakta amana amuk sinabani. Aduga eikhoina masigi jorney asi nungaina chatthaba ngamgani. Makhoina masigi wahei tabada makhoi tuminna leirammi,aduga makhoina tuminna chattharammi.

Nebuchadnezzar na mahakki mang adu handokpiba ngamdrabadi mahakki phamnai mahei masing heiba khudingmaktu hattoknaba yathang pirammi. Matik leiraba Nebuchadnaezzargi yathang adugi maiyokta kanasu leppa ngamlamdre.

Adubu Daniel ngondadi Iswargi oiba lousing  leirammi. Mahakna ningthou da chattuna matam khara pibinaba hairammi. Aduga mahakna mahakki marup mapangsingga punna Iswargi mangda haijarammi. Aduga Iswarna mahakki maphamda ningthou gi mang khanghallammi. Aduga madugi wahanthoksu khanghallammi. Madugi maramna ningthouna Babylond aleiba asingba misinggi thawai adu manghallamdre.

Iswar gi machasing, asingba midi panggal kanbani. Nahakki thabak adu achouba oirabasu macha oirabasu nahakna lousing darkar leibani. Kanagumba eikhoigi irakta lousing watlabadi Iswarda nijasanu. Aduga mahakna eikhoida pibigani. (James 1:5).

Dhyan tougadaba “lousingna asingbasingbu henna kanhalli sahar manungda leiba leingakpa mi taradagi.” (Ecclesiastes 7:19).