Oct 25 – GENETHI JOR

Gener vath 4:7 Genevalo jorevalo, akkalevalo vor jorena jada karlacha.

Prasangi 9:14-16 vachanema yek sherema, thodsek admivo vassarethe,vor vumpar yeklo najkya Raj gheraan vor mundag mot mot burujun bhando,atho voma gareeb genidhar vetho vu vor genethi vu sheren jathan kido. Athoi vu gareeb genidharen kuni here laye koni. Jethi ma hannu keldo- jorethin genaj sresta lapan gareeber genen kaan kadi kareni, vunden kuni khathar kareni. Katho rajer jorethin yek gareeber genaj jorethi racha. Yeklo gareeber genethij yek sheraj jathan vacha.

Jaalithi khushi karer vasu yek moto malavo bussema yathra karrethe. Achanakkethi dee thandrivo yeker pakthima yek betethejako massaj halchal karelage. Jana vunder hachal thodsek ladai dakal vegi, Jethi vu bussen chalayevalo bussen thamadnaken vunder Gola kai chako pucho?Vundema yekli yidek manna yee kitiki vagadatho hach Vaal leluchu nathkan yee balla vaalen sunglen marjayu Kan ki. Ajjek thandri koni yee kitiki vagadatho vaal mareniju ma marjayu Kan ki. Hannu kethe kethe akharima marler athra jada ladai vejari Jana yesey gamanincho jako yeklo genidhar yidek aadho ghanta chep yek vadi kitikin kaado Jana yekli marjavacha,ajjek kitiki aadho ghanta vagado janna ajjek sada marjavacha. Kassenkatho yinder doyithi pakadan apan seji khushithi yathra karen jama katho yinder kai kaatara baapu Kan ko. Yee genethi kidojako vathen samlan buss sari gapchup vegi. Ajji vunder yathra saaphiga chalgi.

Nebukadnezar Raj vor rajyamema vethejako genivun Mar sapnenan vor arathamen phodan kathoj banchan rocho nathkan Raj Nebukadnezare adhikaramethin, jorethi,vor reesen aahuthi vehavocho Kan hakkam dino.

Jethi Daniel Dever genethi vetho. Vu raje kan jathanu raja manna daasek vagath denu Kan puchlen, jathanu Daniel ajji vor dosthidhar sey bhalan asmaner Deven araj karan, Dev dinojako sapnen ajji vor arathamen ku dinoko hannuj rajen malam karnako. Jesaruj Danieler vadithi Babulonema vethejako sey genivur jaanen banchadnako.

Dever beptavo Dever vath Yakob 1:5 thamen gen Kam ratho Deven puchlatho devunchu Kan kerocha.

Ajji jada dhyan karen pado  Prasangi 7:19  Sherema chajako Dass admi adhikarvuthin,gen chajako genidharen vor genaj vona adharam.