Oct 22 – Banuddin S’ingang!

“Banuddin anindaman a gulji sundangan sable a s’ingdaman gutulleten. Anindaman a jontunji kabhideten bar anin a drakiyadan maimaieten do anindaman a garaga tebzlan oskaieten” (Bangsa Hanang 9:1-2)

A teredmadnaben, baruban uante saring a hangte sanayaman, kan ate aboi garberan atanurdun. Amben agaja a ogandidong.

Garberan sattang garberanna gamle, Bangsa Hanang 14:1 gamte, Kitungan a mang a gijgijben, barij sanaisaijan batte garberan na.

Raja Daudo mandranji amangban adgijgijad, orde a mukkanji, orde dane maranji a mukka orde bittin. A madan sattang gijgijle Kitungan a d’ong butente gabdille ruangan do ordaran. Dilejanang bo soa bakurdi-galji sanenekennan daku bibol-lingan.

Yagi ate jinjin murdadam, itente gamte; “Gamangtungan gupa marlen’, Sanenken 91; itente Kitungan atanaurdun abmele gadlamte.

Do itente Kitungan asanayaman saite. Kan a sanenkenan Kristun a J’e-lingan maiyang saring. Raja Daudo Baruban absuile, ateng ambrij. Kun aboi barunna, yagi tambigardana. Aboina Kitungan, bindo sanayaman yirtai kun yagi amangban saring.

U’an Kitungan, Kitungan Jisu Kristun do Marid Janggardan. Amben ayangte tanimyiman, U’an Kitungan amang saring (Aparamangtan 28:22).

Do asuyeman, sanayaman Kitrungan Jisun Kristu. Abarij bangsa mihaman batte kalobori abaru-lingan alalle ate madridle do anablun tiyle Kitungan batte. Do Marid Janggardan amang saring; amben ayangte janababan (1 Timoti 3:15).

J’on do Janggardan a taniytiyan batte, Murdadage a bernan kan a dinna abmele, English batte barijloge itente anlen rabangtabe Kitungan amang saring:

1. Barij anapingan ambrij
2. Kun asanayam mandran saring
3. Ade itente alulutenan ambrij
4. Bindo Kitungan amang saring
5. Ruangan do ordaran
6. Agabdille amandran
7. Apurban, amben bigarda

Mandranji amangban aluluten, do dirlen amangbanji, sanayam do arturdun-lingan. Bindo kun arenganji orde barunji sangaite mangben saring. Tanahimdam Kitungan a onagji, buten a d’ong amben abatturten. Dirnaben mandran amangban orde Kitungan amangban? Sanidban orde Kitungan amangban.

Okiy Kinolbe absele: “Butente dainan hangte, anin a d’ong Kitung Hen a sarebasing lingan bo sundangan abmetai, do anin barokij enga dele janang addungne” (Anabpungge 3:12).