Oct 20 – BUDDHI PORA BACHABO!

Proverbs 4:6 “naphelabi buddhi ke, aru tai pora bachabo apuni ke; morom koribi tai ke, aru tai pora rakhibo apuni ke”.

Solomon koi, “morom koribi buddhi ke, aru tai pora bachabo apuni ke”. itu laga gehra motlob ase: “morom koribi Isor ke, jun ase buddhi”. Morom koribi Tai ke sob homoi te aru sob stithi te. Tai ase jharna sob buddhi laga; Tai ase shuru aru stroth sob buddhi laga. Ahibi Tai te aru hobi bhorta hosa buddhi pora”.

Solomon thakishe sobse chutu lora David laga. Itu hobdo ‘Solomon’ mane ‘lora shanty laga’. Judibi David naam rakhishe ‘Solomon’ koi kene, Nabi Nathan naam dishe tai ke ‘Jedidah’ – mane ‘moromial Isor laga’.

Solomon jun ke matishe moromial Isor alaga, koi ki ami khan morom koribo lage Isor ke (Proverbs 4:6). Tai laga dorkari salha ase ki ami khan naphelabo lage buddhi ke, kilekoile itu pora ami khan ke bachabo. Tate bishi ase jun khan sapha pora najane budhi aru gyan laga kotha te. Gyan tu ase ji apuni joma kore kitab pora porha laga aru apuni laga milmilap manu logote. Hoilebi buddhi ase prativa cholabole utu gyan ke thik poristhiti te aru thik homoi te.

Gyan ke pai shikhi kene vidyalay aru mahavidyalaya khan pora. Hoilebi buddhi ase saransh sob apuni shikha laga, aru para laga dhalibole tai khan ke vtaktigat jibon te. Shiksha ase alag kisim laga uttamta buddhi te.  Judi apuni ke dorkar ase uttam hobole buddhi te, tini hoile apuni morom koribo lage Isor ke, jun ase jharna laga stroth sob buddhi laga. Apuni bisaribo lage Tai ke sob pora bishi; aru lagi thakibo lage tai logote. Busshi Isor laga ase sobse dangor itu prithibi laga buddhi pora bi.

Gyan ahe shiksha pora; hoilebi buddhi ase dangor uphar Isor pora. Khali jitya apuni bhoi kore Isor ke tini hoile buddhi shuru hoi kaam koribole apuni laga jibon te. Pobitro kotha te koi, “jun khan  bisare Isor ke buje sob” (Proverbs 28:5).

Bishi agete itu salha Solomon laga, tai laga baba David pora bi darj korishe inika iki bhabna aru koishe, “bhoi Isor laga ase shuru buddhi laga; ekta bhal buja thakibo tai khan ke jun khan kore Tai laga adesh ke palan. Tai laga prashansha thake hodai din” (Psalm 111:10).

Isor laga bacha khan, mangibi uphar buddhi laga Isor ke; aru bhorta koribole apuni ke Tai laga buddhi laga kotha pora aru mahaan kaam pora, juntu kunbi phelabo naparibo naholebi nalobo naparibo.

Aji dhyan koribole laga pobitro ktoha tu hoile Ecclesiastes 2:26 “kintu isor diye buddhi  aru gyan aru anondo ekta manu ke  jun ase bhal tai laganazar te; hoilebi paapi k