Oct 19 – SHURU BUDDHI LAGA!

Proverbs 1:7 “bhoi Isor laga ase shuru gyan laga”.

Kitab proverbs laga ase milai kene Raja Solomon laga buudhi kotha laga. Solomon likhishe tin hazar proverbs; aru ek hazar aru panchta gana khan. Aru Kitab Proverbs dava kore hobole ekta dhon kavacha buddhi laga aji din te.

Tate ektis ahyay ase Kitab te Proverbs laga. Girja laga Pondit koishe tai laga girja laga sadaya ke, ki tai khan porhibo lag ekta adhyaya Proverbs laga hodai din, itu laga uporte tai khan laga hodai din laga porha Purnana Niom pora hobo lage phujir te aru Notun Niom sham te. Tate ase ektis adhyay utu kitab te, milabole ektis din khan ke mohina laga. Aru mohina khan te ektis pora komti alag adhyay khan ke khotom koribo lage hekh din te mohina laga.

Dusra Pondit pora koishe, “ami jai ase shikhabole apuni ke chori koribole, khabole aru kobole pratigya’, juntu pora chokai dishe girja lag sadasya khan ke. Aru inika tai nirantar korishe ekta hasi di kene aru koishe: :apuni khan chori koribo lage apuni laga homoi ke hodai din porhibole Kitab ke Proverbs laga; khabo lage itu laga gehra hosa ke; dhyan koribo lage itu ke apuni laga bisna te; aru thani lobo lage apuni laga mon te piche koribole itu ke’.

Hoi jun hoilebi porhi le Kitab ke Proverbs laga, bujibo hosa ke ki ‘bhoi Isor laga ase shuru buddhi laga’. Tai laga bhoi logote, jitya kun hoilebi dhale buddhi ke itu kotha khan laga tai laga jibon te, tai janibo kinika jit pabole sob paristhiti te. Tai laga jibon hobo hosa gawahi Isor buddhi laga, aru itu pora khushi koribo Isor ke.

Ki ase ashirbaad khan porha ke itu Proverbs laga kitab laga? Pobitro kotha te koi, “itu pora bachabo apuni ke rasta pora biya laga, manu pora jun khan koi biya saman khan, tai khan pora jun khan chare rasta ke dharmikta laga berabole rasta te andhera laga; jun anondh kore biya kokribole,a ru khushi kore biya kaam khan te, jun khan ase tera,a ru jun khan ase chalak tai khan laga rasta te” (Proverbs 2:12-15).

Adhyay 1 pora 9 tok koi kene ase buddhi  aru buddhu ke. Itu koi “buddhi bonai tai laga ghor “, aru tulna kore buddhi ke ekta naukar te jun bonai tai lagaghor ke. Itu nishina hi, buddhu ase tulna kori kene maiki khan ke. Isor Jisu koi, “hoilebi buddhi ase nyayasangat hoi kene tai laga bacha khan pora” (Matthew 11:19).

Isor laga bacha khan, ki ami khan bhabna nakore isor laga angina buddhi ke juntu pai Tai laga prachar te mount te? Tai laga shikha khan? Kinika Tai jawab diye jun khan kuchis kore bisaribole galti Tai te? Judibi kotha khan Tai koi jitya gojal mare Krustte?

Aji dhyan koribole laga pobitro kotha tu hoile Luke 21:15 “kintu ami dibo apuni ke mukh buddhi laga juntu sob apuni laga dusman khan naparibo ulta koribole nahoilebi nalobole”