Oct 18 – Galji Mandran a d’ong Tabngijeten!

“Kanate a delen a tiki Gamang- tungan bar bzgarda yakurdi- galji mandran a d’ong tabngijeten. Do uante uante a dile gardan bar darakunaban Anindam asui ayam lingan gante, tetten Anin a mukkaban saring aninji a d’ong tang bagu tang bagu mandran appaietenji” (Luk 10:1)

Kitungan tiylaben Marid Janggardan barijloge tiydamnan batte Kitungan a baran alumben asan do bzgardanji aurungben Kitungan amangban asan. Anten asan, Janggardadage alanuman absosodong. Amben royongan ahangleja orde adhangleja, barijloge a bernan a oblingben dete.

Ateng mandranji daku Janggarda aranaptin saiteji do a taniytiyan. Bindo aninji a tiydamneji Kitungan abaran abmele didargam. Bo baran daku Janggardadage a taniytiyan abmele, iten asan gamlenden aninji Kitungan a baran abmele adyiraiji. Taniytiyan batte, Kitungan a hanangna maranji a d’ong gamle, “Seletten Anin hanangna maranji a d’ong gameten, Jarditen gamle agale saran ateng, bindo bara maranji asui. Anten asan agale saran a Gamangan amang garbernaba, yante gamle Anin agale jannongban bara maranji a d’ong appaite” (Mattiu 9:37-38).

Janggardadage a bara-lingan ardute, do mandrengnaben abdainate barij tiydamna batte a baran. Anin appaite a hanangna maranji bagu bagu abmele do  rumang baran batte.

Kitungan gamle, “Uante uante a darakuna lingan ahim-Hen abayimtaben, kun a kuddub darakuna lingan Hen mangba-ben iyan iyle d’ong-ben absittatai” (Hanagod 20:24). Ite deleja bara-ling-ben bigarda a bara-lingan, Kitungan amben ampara dakuten d’ongben rabdule.

Kitungan gamle, “Bogad buteja d’ong-Hen gang-killenden anin sandungihte. Bar uante Hen daku, tetten gangkilmar-Hen janang dakuten. Bar bogad buteja d’ong Hen gangkillenden, anin a d’ong U’an abpemengte” (Jon 12:26). Yan a banangsa kan ate Kitungan batte anabgugu a deben asan! Angante ordardage a raja Ahsuras mandran a d’ong abguguben itsumle, anin rajadage a sindrin batte, adrubable ranubbaban batte do amdaile kurta-lingan (Estor 6:7-8). Angante ordardage a raja mandran a d’ong abgugute kan ambrij, yan a man’oihan dete bogad ruangan a Raja, U’an Kitungan, baile d’ongben oblingleden, “Bangsale lumle, bangsa do Dirnadage boantan”!

Kitungan na danena do Kitungan a baran abmele. Anin itsumte itente bangsa a boantanji abmele. Anin a baran barijloge togidage abmete” (Ebri 1:7). “Itente a sanu handraman asanggem-ling-nam sanabjan dete, antate hanandraman adde-e, bar ayengan a dile langan asanggem-ling-nam dzlen bitsarate, aman anin a d’ong abdusate; kanate GAMANGtungan a boantanji a danen, bar kanate Hen saring aninji a ranoitadan. Kanate GAMANGtungan gamte” (Jisaiya 54:17).

Tanahimdam Kitungan a onagji, ateng mandranji adgalameji janardin Kitungan do aninji lanumud-lingan basule dakutenji. Desa-ling-len ateng mandranji daku, butente adgalameji kandrabardi do jandrumsi gamle. Kan ate bo surda beran Kitungan Jisu Kristu-len appaile dile desaban hanangna maranji abmeben asan. Aparmangtan, agajapo toitoisingben a mandranji a d’ong bangsa anoblingberan aobling-le?

Okiy Kinolbe absele: “Barokij iteja anangan adde-e, do tet‘ten a tarangdi lingan Kitungan do a On Murkundardan a raja garobgoban. Anin a boantanji Anin a d’ong gankilteji. Aninji Anin a mukkan gijteji, do Anin ahiman aninji a anidarda lingan ji daku.” (Anabpungge 22:3-4)