Oct 17 – PRACHUR SUSMACHAR!

Proverbs 25:25 “jinika thanda pani ekta bhagoria atma ke, inika ase subh samachar dur desh karone”.

Itu podh koi ‘subh samachar ke dur desh pora’. Swarg ase utu dur desh. Aru subh samachar swarg pora ase Susmachar Jisu Krista laga. Susmachar Krista laga ase thanda pani ekta bhagoriya atma karone. Itu karone Isor Jisu thakishe morom logote manu khan karone, aru shuru korishe shikhabole tai khan ke bishi saman khan  (Mark 6:34).

Ami khan laga isor ase tai jun khali diya nahoi Tai laga bhal khan keg au karone, hoile diye bharpurn dorkar khan ami khan laga atma karone. Itu karone Pobitro kotha te koi, susmachar dur desh pora ase ekta thanda pani nishina bhagoria atma ke.

Ahbibi bhabna koribo ekta manu berai thaka bishi dur jaga gorom dhup te. Tai pasina ulai ase pura; aru theng khan tai laga phaati ase bishi  gorom hua karone;a ru tai laga jib sukhi ase; aru tai lage chaya aru pani. Aru judi tai dikhibo ekta seb laga gash ke, tai polai kene jabo tai laga pura tagot tai logote thaka ke, aru anond lobo chaya ke utu gash laga. Aru tai uthabo kunuba phal khan aru khabo.

Aru utu laga uporte, judi tai ase kopal bhal tini hoile pabo kuha pani laga, tate tai laga laga anondo laga hekh nahobo.

Itu nishina hi, samachar Susmachar dur desh pora, ane anondo atma ke. Pobitro kotha te koi, “jinika seb gash khori khan majete, inika hi ase ami laga moro majete lora khan laga. Ami bohishe niche chaya te ekta dangor khushi te,aru tai laga phal thakishe mitha ami laga swadh te” (Song  of Solomon 2:3).

Bhal samchar tagot kore haddi khan ke (Proverbs 15:30); aru ekta bhal kaam bonai itu ke khushi (Proverbs 12:25). “Krista Jisu morishe ami nimite”. Ase prachur susmachar ki ami khan paishe. “Tai morishe ami karone; Tai uthishe dubara; aru Tai jun uthishe mora pora jiyabo hodai din karone”.

Judibi job thakishe ekta pondit Purana Niom laga, sabi kinika tai anondo kore susmachar te, jitya tai koi: “Kintu ami jane ki ami laga Uddhar karta Jiyai, aru Tai khara thakibo hekh te prithibi te; aru pichete ami laga chamra khotom hoi kene, itu ami jane, ki ami laga gau ami tea mi dihibo Pormeshwar ke junk e ami dikhibo nijor karone, aru ami laga sukhu thakibo dhuri aru dusra ke nahoi. Kinika amilaga mon icha kore ami bhitor te! (Job 19:25-27).

Isor laga bacha khan, apuni hunibo pare bishi khabar khan aru samchar khan hara laga aru dukh laga aru bhagor laga, iman dur. Hoilebi aji khulibi mukh dangor aru ghoshna koribi, “ami laga uddharkarta jiyai”. Aru Isor pora ghurabo sob apuni laga dukh khan ke anondo.

Aji dhyan koribole laga pobitro kotha tu hoile 2 Corinthians 12:9 “aru Tai koishe ami ke, “ami laga laga anugrah kaafi ase apuni karone, kintu ami laga tagot bone poorn komjuri te”. Itu karone bishi khushi pora ami phutani koribo ami laga napungcha khan te, ki shakti Krista laga thakibo ami te”.