Oct 16 – Awr Banangsan!

“Atenganji gamteji, Buten d’ong-len banangsan apsuite? E GAMANGtung, mukka-Nam a tan’aran lanangka-len abpuanga” (Sanenken 4:6)

Jisu Kristun kun baruban yireten a hanhangben do barijloge agadlamben asan anid kamb’olan abmele. Hananghangan batte janggardadage a mandrengnan gutulte Kitungan batte, Janggardadage aranaptin.

Moloi ajar amandranji dakule a hanangan amdangben asan. Kun saring ateng mandranji dakule kayating aengdungtenji amandran, kannina a mandranji a j’enji tiyleji Kitungan amangban do sandungleji. Kan batte susuleji Kristu batte a hanaben asan. Angante mandranji galamleji a ringring darakunaban hanangan tiyte gamle, aninji tetten dakulenji ranaptidage a hanangan amdangben asan. Kitunglen sattang manna adtiyad (Jirimiya 10:10).

Bindo d’ongdage abmele janumjuman janang tiyle. Tanahimdam Kitungan a onagji, arabanglepo kun onla mar-lingan, tiydamlen Kitungan a berna amdangtenji ate. Sattang Kitungan a bernan kika-maran a d’ong banudimar abmete. Kitungan a bernan aboi panuangan jingbalen do tan’aran tangor-linglen. Abraam Lincoln, ayengan amandran America abmele bo surda maran dakule, barij banagge sing-lingan saring yiraiten. A dangarda ayamling (Bagujuanaber 33:19).

Anglangal abab-lingan pangle, maneng tangorban saring timle ahangdranganji abmele. Angante mijgalmihnum dele, a yuyun tiyle aboi bibolan do gamle a d’ong, “Tanimyimdam O’n, bogad amang bibol-lingan tiyj’elenanden, Kitungan abdainatam lanangkaban”.

Kun a dinnan saring, Bibolan murdage dele Abraam Lincoln amangling. Angajanang royongang hangle, agalan atimlen adnang do bara atakudlen a tikki, anin royong-tiyle bibolan a kinolben. Kan batte, Kitungan barijloge erobjongdage banuddin tiyle. Anin desa-lingan ahiman tiyle election-lingan. Anin janang member dele.

Kun tette Do atanakud-lingan, rastropati dele America-lingan. Gijba banagge angalang atimle amandran saring America rastropati dele kanina bo surda anabdaina Kitungan saring. Daudo janang aboi gupamedmar dakule do kun saring Raja dele barij Israel abmele. Do kun barij-surda anabdaina abmele tiydamna do Kitungan a berna.

Tanahimdam Kitungan a onagji, barij itsuman batte Kitungan a berna agaben dete.

Okiy Kinolbe absele: “Bar yante gamle amben iteja abmele er asuilabe, hadabloge do barijdam a dete, kun asan ateng-ayam~sanayen barijloge a baran abojoraiete” (Jakub 1:4).