Oct 15 – JAISHE UPOR PAHARTE!

Matthew 5:1 “aru sai kene bhir ke, Tai jaishe upor paharte.”

Ami khan laga Isor Jisu thakishe ekta dangor udharan ami khan karone jai kene upor paharte. Jinnika arma laga general thake, tai hi loi jaiase mai khan ke age pora. Ekbar bhabna koribi ekta dangor bhir manu laga aru jai upor paharte jitya tai mate. Tai ami khan ke kinika hoilebi pahar umporte pungchibi koa nahnoi, hoilei loi jai ase age pora aru koishe ai khan ke piche ahibole.

Itu khali apuni khan ke uthai dibole nimite hi ase, ki Tai rakhe alag pora swarg laga uttamta ke aru ahe nichete prithibi te. Tai nijor ke nomro korishe apuni ke uthai dibole. Tai dukhiya  hoishe taki apuni dhon hobole. Tai naukar laga roop loishe apuni ke raja khan  bonabole. Tai jaishe upor paharte, ki apuni piche koribole tai laga theng laaga nishan khan ke.

Ki kisim laga manu khan thakishe jun ahishe pahbar laga nichete? “hoilebi jitya Tai dihishe bhir ke, Tai morom pora bhorta hoishe tai khan karone, kilekoile tai khan bhagor lagi kene pheli thakishe, jinika ekta bhera laga charwaha nathaki kene thake” (matthew 9:36).

Aji laga din te bi, bishi bhir ase manu khan laga jun berai iman anondo te prithibi laga iku uddesh nathaki kene tai khan laga jibon te. Tai khan najane kun tai khan laga charwaha ase. Kilekole tai khan  najane kun tai khan laga charwaha ase, tai khan diye bishi zaroorat itu prithibi laga mamla te aru jiyai ekta biya jibon ke. Tai khan najane tai khan laga uddesh itu prithibi laga jibon te nahoilebi swarg laga jibon te bi.

Abi Ezekiel dihish ekta drishti jote ekta jaga bhorta ase sukha haddi pora (Ezekiel 37:1-6). Itu hi stithi ase manu khan laga itya homoi te. Bishi samasya khan thaka pora tai khan hari she tai khan laga akha aru narukhi ken ease jiya thaka mora manu nishina. Khali Isor laga kotha te hi shakti ase Pobitro Atma lagaji pora tai khan ke taza koribo paribo aru anibo paribo jibon te.

Sob homoi te apuni laga jibon laga, apuni khanuthi thakibo lage swarg laga rajyo te, juntu swarg ase. Mora laga dorja tu oile dangor aase aru rasta khan bi dangor ase. Jun khan ulta jibon jiyai tai khan girijabo mora laga dorja te aru giribo narak laga jui hagor te. Hoilebi jibon laga dorja tu chutu ase aru khali olop pora hi bisari pai.

Isor laga baha khan, rakhibi udesh apuni laga jibon laga pungchibole uporte pahar laga ami khan laga Iosr  Jisu Krista  pora, jun hi rasta ase, hosa ase aru jibon ase. Bhir pora manu khan laga, Isor alag kore khali olop Tai nijor nimite. Tai bonai chuni loa ke upor paharte jabole pobitro aru hosa thaka khan ke. Tai bodle tai khan ke aru diye mahima upor mahima. Ki apuni utu chuni loa majote hobo nalage?

Aji bhabna koribole laga pobitro kotha tu hoile Daniel 12:2 “ aru bishi manu khan jun khan ghumai dhul te prithibi laga uthibo, kunuba khan hodai din laga jibonte, aru kunuba khan sorom aru hodai din laga avagya te.