No products in the cart.
Oct 15 – BAROBBARERO ATHMARO BHATA
elimchurchgospel1 Corinthivalun 10:4 Sey yekkaj sorger Athmar panina pedey, kimkatho- vunder sath gojako sorger Athmar bhatar panina pedey,vu bhata Christhuj.
Yisraeleval bhar athanu Dev bachanen demelojako sheren jayero kajako yee jagemar yithihasemaj ghano mot vath Kan ma kelorochu. Vunden chalayojako khasa Devaj jethi vunder jaanena,jeevadana ajji athmikvagi chavnujako sejini bharpurethi denako.
Vunder sath diyya badaler sthambhan Rathvona angarer sthambha laaraj rethanu burnaken chalayo. Heryek dad seri derar vacha asmaner mannana demelo. Vo perejako kapada reda taanger cheplu reda chiravanaju thutanaju ra.
Vujji jada vunder sath moto bhata laaraj rena chalayo Kan dekacha.Sey vu yekkaj sorger Athmar panina pedey, kimkatho- vunder sath gojako sorger Athmar bhatar panina pedey Kan dekacha. Atho 40 varas vunder sath ren chalayojako vu bhata kun kajako sos karatho Dever vath 1 Corinthivalun 10:4
Sey yekkaj sorger Athmar panina pedey, kimkatho- vunder sath gojako sorger Athmar bhatar panina pedey,vu bhata Christhuj.
Athra moto Devaj vunder sath vethothoi Yisraeleval mathram vu bhatana vunder jeevadar vasun thodsek dadevasuj Kan halko karlide. Prabhu sey thara ashisen denako. Vuj bhatamathi vunden piyen panin dino Athoi vo thrupthi padekoniju machalina, tharbujana herdelalen von dekan roye Kan dekacha. Vo payejako Athmar ashisenan vunchethi payejako phaidona herdenalavaju bhulgey.
Lapan Mose mathram vuj bhatathi moto mahiman palenu Kan asa kido. Abbethanu sopath rethanu aranyamema chalayojako vu bhatar nai chajako Dever mahimana deknu Kan keldo. Yetha Mosen Athmar vadir tharas vethojen dekacha.
Yethi aangaj Mose Dever mahimar hathethi chalijako achamer khabarevun vor ankithithi Aigupthemathi bhar ayejana Laal samudar dee paya vijena dittojena vuj gavayin derocha. Athoi yesejithi moto Dever mahimana deknu kethanu bhatar sandhuma hubaran ditto Kan dekacha. Vu bhatar Sandhu katho Yesu Christhur ghavena,vu Prabhur pakthima phosadejenan, doi taangeman hathema khilemarejana ajji vor sari jeevadaj khanamelojena sejini apanena vu mahimana dekalnu Kan Prabhu keldo.