Oct 14 – PUTRO JUN DIYE PRACHURTA TE!

Romans 8:32 “Tai jun charanai Tai nijor Putro ke, hoilebi dishe Tai kea mi khan sob karone, kinika Tai nahoi Tai logote muft te amikhan ke so samankhan?”

Ami khan laga Isor ase jharna laga matha sob ashirbaad khan laga; aru Tai ase strot sob bhal laga. Tai ase pahar jote pora ami khan pai ami khan laga modot. Tai ase Ekjon jun napahore kitya bi apuni ke, judi bi apuni laga ama pahore apuni ke. Tai ase Ekjon jun yaad kore amikhan ke aami khan laga niche stithi te.

Isor phelai sob saman khan ke poorn te Tai laga nirmaan dwara. Sob laga uporte, Isor pora dishe tai laga nijor Putro ke, ekta dangor uphar hisab te. Itu poorn uphar juntu ami khan pai Krista dwara, ase kobo napara laga. Itu khan ase pratigya Krista laga, sikh Krista laga, divya changai Krista laga, Tai laga divya gunn, uttamta, mahima aru sonman.

Itu uphar khan sob uporte, Krista dishe Nijor ke Kruste, ami khan laga jag ate. Ki apuni dhonyabaad koribo aru prashansha koribo Isor ke apuni laga mon pora, kilekoile itu  mahaan morom aru tyag karone? “ki Isor Jisu utu eki rati te koishe, “lobi, khabi; itu ase Ami laga gau juntu bhangae apuni karone, koribi itu ke yaad te Ami laga”. Itu nishina Tai loishe cup ke bhojan pichhete, koi kene, “itu cup ase notun kosom Ami laga khun te. Koribi itu hodai jitya apuni khan, yaad kori kene Ami ke” (1 Corinthians 11:23-25).

Baba Pormeshwar charanai Tai nijor Putro ke, hoilebi dishe Tai kea mi khan sob karone. Krista Jisu sanai tai nijor laga jibon ke aru dishe Tai laga gau aru khun ke amikhan karone. Jitya apuni dhyan kore itu saman khan te,a mi khan laga mon bi anond kore aru prashansha kore Isor ke Chela Paul logote, jun koi, “dhonyabad hobi Pormeshwar ke Tai laga kobo napar uphar karone!” (2 Corinthians 9:15).

Khali karone inika bharpurn ashirbaad aru poorn uphar Pormeshwar pora ase, kilekoile morom karone Tai laga ami khan karone. Pobitro kotha te koi,”Kintu Isor iman morom kroishe prithibi ke  ki  Tai dishe  Tai laga ekla Putro, ki jun biswas kore Tai ke khotom nahobo hoilebi thakibo hodai din laga jibon” (John 3:16).

“Isor apuni laga Pormeshwar ghuraishe shrap ke ashirbaad  te apuni karone, kilekoile isor apuni laga Pormeshwar morom kore apuni ke” (Deuteronomy 23:5). Ki apuni itu homoi te sabo moromial isor ke ekta dhonyabad mon pora? Ki apuni matibo Tai laga mitha naam ke? Hobole dibi apuni laga anondo ke Isor te! Tai pora pratigya dishe, ki Baba Isor pora dibo iku hoilebi juuntu apuni mange naam te Isor Jisu laga. Tai pora poorn aru bhorta koribo sob saman khan ke  juntu apuni chinta kore. Judi aji, Tai bohe dahina hath te Baba laga, aru ase kobo ami khan karone. Ki Tai nahoi ahem Pondit, jun ase morom ami khan te?

Aji dhyan koribole laga pobitro kotha tu hoile John 1:12 “hoilebi jiman bishi paishe Tai ke, tai khan ke Tai dishe hakh hobole bacha khan Isor laga, tai khan ke jun biswa kore Tai laga naam te”.