Oct 12 – UPOR PAHARTE!

Mathew 14:23 “aru jitya Jisu pothaishe bhir ke dur, Tai upor uthishe paharte Nijor  pora prathana koribole. Aru jitya sham ahishe, Tai ekla thakishe tate.”

Ami khan laga Isor Jisu bishi gehra pora icha korishe upor pahar laga anubhav ke pabole. Jitya bi Tai icha korishe prathana koribole, Tai bisarishe ekla hobole aru uporte jai paharte. Subh samachar te, ami khan pore Isor laga kotha jai ekla upor paharte prathana koribole. Sob bachai diya bacha khan Isor laga, narrukhi kene bisaribole lage uncha atma laga anubhav ke. Hodai din laga hisab te, tai khan agh barhi thakibole lage thik hobole Isor te.

Isor ase achurit anubhav khan apuni karone rakhi kene agh barhibole ami khan laga atma laga jibon karone. Isor laga bacha khan paabo lage anugrah uporte anugrah, barhi bo lage tagot upor tagot te, mahima upor mahima te, aru bonabo lage narukhi kene agh barha aru bodli hobo lage. Jitya ami ekta bacha thakishe, ami bishi dhemalia onkho. Udharan te, ekta lizard thakishe juntu bera te thakishe panch feet laga unchain te. Tai uthe char feet, ek ghanta te – ki unchain te tai thakibo panch ghanta te?

Itu ke hunibole dhemalia hobo pare, inika hi thakibo bishi Christian manu khan laga stithi. Tai khan pobitro ase ravibar te aru giri thake tai khan laga prathana jibon te aru pobitro ta tea lag din khan te. Tai khan unchain te thakibo kunuba din te aru niche giri thakibo alag din khan  te.

Itu khan adha gorom Christians khan ase, jun khan pura gorom nahoi nahoilebi pura thanda nahoi tai khan laga atma te. Aru tai khan iku lagatar barhi ja nadikhai Isor te. Tai khan iku niamita te nai tai khan laga prathana  laga jibon te nahoilebi bible pora lagate. Kilekoile tai khan komi ase rista rakhibole Isor logote, tai khan jibon te giri thake.

Hoilebi apuni khan barhi thakibo lage uncha pora uncha te, ekta utaradhikari hobole Isor laga pandit nimite utsah. Ami khan pore 2nd Corinthians, 12 adhayay te, kinika chela paul ke loi jaishe upor swarg te- tisra swarg.

Ekta manu tisra swarg te jabole napare. Jitya chela john patmos island te thakishe, Isor matishe koi kene, “ahibi yate” (revelation 4:1). Jun khan icha aru utsah ase jabole unchain te atma laga anubhavte tai khan laga Christian jibon loikene, isor icha kore uthai dibole apuni ke uttam anubhav te. Hobole dibi apuni laga atma hodai hi jui te Isor nimite aru ponchi thakibi notun atma laga  unchain ke.

Aji bhabna korible laga pobitro kotha tu hoile John 6:3 “aru jisu jaishe upor paharte, aru tate Tai bohi she Tai laga chela khan logote.”