Oct 12 – PRACHUR SUSMACHAR!

Romans 15:29 “hoilebi Ami jane ki jitya Ami ahishe apuni te, Ami ahibo bharpurna te ashirbaad susmachar laga Krista laga”.

Susmachar dwara, ami khan anubhav kore dangor ashirbaad ke. Tai laga ashirbaad ase poorn aru bharpurn. Susmachar loi jai ami khan paripoorn te Krista laga.

Itu hobdo ‘Susmachar’ mane bhal samachar. Utu homoi te Krista laga jonom itu prithibi te, duth khan Isor laga ghoshna kore bhal samachar ke charwaha khan ke. Itu thakishe ekta bhal samachar khali charwaha khan karone nahoi hoilebi pura manu jati karone.

“titya duth pora koishe tai khan ke, “bhoi nakoribi, kintu thakibi, Ami ane bhal leher khan ke dangor anondo laga juntu hobo sob manu khan karone” (Luke 2:10). Ashirbaad ase tai khan ke jun khan ghosna kore itu Susmachar ke,a ru ashirbaad kore tai khan ke jun khan dhyan diye utu Susmachar ke aru rakhe tai khan laga biswas ke Isor te.

Isaiah koi, “kiman sundor uporte pahar khan laga aru theng tai laga jun ane bhal samachar ke, jun ghoshna kore shanty, jun ane bhal leher ke bhal saman khan, jun ghosna kore mukti ke, jun koi Zion ke, “Apuni Pormeshwar rajyo kore!” (Isaiah 52:7).

Tate ase charta ashirbaad Susmachar te. Poila ghoshna kore shanty. Dusra, ghoshna koribi bhal saman khan ke bhal samchar hisab te. Tisra, ghruto dibi uddhar ke. Aru chautha, kobi Zion ke, “Apuni Pormeshwar rajyo kore”. Itu khan sob charta saman khan zaroori ase kobole sob evangelist khan pora.

Sobse poila ashirbaad ase ‘shanti’. Isor proa pratigya dishe poorn shanty prachur te tai laga susmachar laga. “apuni rakhibo tai ke poorn shanty  te, jun laga mon ase thaki kene Apuni te, kilekoile tai biswas kore Apuni te” (Isaiah 26:3).

Dusra ase, bhal saman khan. Pobitro  kotha te koi, “Aru Isor pare bonabole anugrah ke gherav koribole apuni phine, ki apuni hodai thakibole sob bharpurn sob saman khan te, ki thakibole prachur sob bhal kaam khan” (2 Corinthians 9:8).

Prachur Susmachar loi jai ashirbaad ke aru unnati rasta pur apuni laga jibon te. Krista Jisu ase utu Susmachar;a ru itu ase Tai pora hi ki apuni pai shanty, bhal saman khan, uddhar,a ru swargya biswas.

Jitya apuni  rakhe apuni laga biswas ke isor te aru mange Tai ke thakibole apuni laga mon te aru apuni laga jibon te, Tai pora loi jabo apuni ke prachur ashirbaad khan ke. Tai ase pura shakti aru pura jibon pora bhorta dibole apuni ke inika prachur ashirbaad.

Aji dhyan koribole laag pobitro kotha tu hoile Proverbs 28:20 “ekta wafadaar manu gherav hobo ashirbaad logote, hoile tai jun jodh bazi kore dhon hobole najabo saza napai kene”.