Oct 12 – BHARPURER HACH KHABAR

Romavalun 15:29  Ma thamar Dai avujana Christhur hach khabarer bharpurer ashisethi,aayu Kan malam karmelochu.

Hach khabarer vadithi apan ghano moto ashisenan yee ashis barobbarethin bharpurethi racha. Yeej hach khabarer vadithij Christhur sayaama lejavacha.

Hach khabar katho ach vath Kan aratham. Yesu Christhu yee dharthipar pedavojana soja  gollavariya kan athanu yee hach khabaren ke Kan dekacha. Yee hach khabar gollavariyan yekkaj Koni pan sari jagenaj yee khabar aayicha.

Luka 2:10 Jana Dever soja vunden- chamkomath,yidek sey jannuna ghano anand dajako ach khabaren thamena malam karrochu Kan ko. Yee hach khabaren samalan vu Prabhu Yesuna dallema balaleval nashibdhar.

Yeshaya 52:7 vachanema Yeshaya Bhakthidhar yee hach khabaren baantevaleran,shanthin layevaler,hach vathen kevaleran,rakshanar vatema chalayevaler pag gatlapar sundar cha,Kan Siyonema revalo Dev rajyam karevalo kerocha.

Hach khabar kajema yee 4 vishayavuna herdemellenu. Agediya samadhanen, ach kamethi hach khabaren baantanu. theenmo rakshanar vatema chalayero,charmo Siyonema revalo Dev rajyam karrocha Kan kero. Yee chaari vishayavun hach khabaren keval sey herdemellen kenu.

Katho agediya samadhanen kevnu. Yee samadhanen hach khabar baantajana bharpurethi Maaj duchu Kan Dev Yeshaya 26:3 vachanema ko.

Deemo hach kam. 2 Corinthivalun 9:8 vachanema vujji tham solimayi hamesha bharpurer ven,Heryek hach Kam karena, Dev thamar Dai soli tharar krupana jada karevalo cha Kan vanchacha.

Bharpurethi kemajako hach khabarer vadithij apaner jeevano sarima vruddhin samrudhin palacha. Prabhu Yesu Christhuj yee ach khabar.  Vorvadithij apanen soli tharar samadhanen shanthin, viswas ajji rakshanar ashis kajako avacha.

Ajji jada dhyan karen pado  Gener vath 28:20 Saspanero manikya bharpur ashisen palacha, savukar vena vathral karevalo daandethi chuteni.