Oct 12 – Awr Banangsa-Beran!

“Bar hen galamtai do, mangba-ben a yerten adnang Kristun a barij sanittan batte hen yerte” (Romi 15:29)

Kitunglen Jisun barijloge saile amuitiburban ayirben. Angetejanag Anin agarbernaben asan, Anin anson yireten baruban.

Barij bangsa anoblingberlingan, Anlen kinoltabe Kitungan anson abmele baruban a garberan. Dile anablun ahangle Kitungan a mandranji, Janggardadage a baran asaiben dete. Dile ayam abmele, aninji hanadabban ayirben dete Kitung-lingan.

Kitungan anlen abmele bo bangsa ganadlam beran Janggardadage a mandrengnan abmele. Kitungan a mandranji ahangben dete (Luk 2:10). Asuyeman saring asuyemanna, ranadun saring ranadun lingan, ganugun saring ganugu-lingan, bananda mandrengna batte abhanadamnaben dete.

Angante Hen pasij dakuling, kayating beran amdanglai. Berna asan, aboi danangan dakule moloi feet alangkaban. Langkan unji feet jaitan yagi feet daile labsole abmenetenden bo gonta tingte – moloi gonta-lingan jajing alangkaban daite! (Jisaiya 52:7).

Kan aboi mahandage a bernan dakule, kan ate atedng kristu maranji abmele pedde. Aninji marid dakuteji addiaran a dinnalingan do abasuiteji a garbernanji  bigarda a dinnaji ate. Aninji bigarda a dinna-lingan aninji bigarda abaralingan, do bigarda a dinna-lingan barun adaiben adnitsumeji.

Kan ate aboi absuidamna a Kristu maranji, butente Janggarda-lingan sayu do tagi dakuji. Do aninji Kitung-lingan ad marangeji. Garber-lingan janang orde Bibolan a kinol-lingan (Jisaiya 26:3).

Aninji maihna tanurdu-lingan a gasaji Kitungan-lingan, aninji kan ambrij dakuji. Bindo amben amarangben dete awr saring awr, barij oskaidamnan do tiydamna batte Kitung-Lingan. Anlen kinolben dete (2 Korintianji 9:8).

*Anappai Pol abmele yangam anurungan dele ruangban – anabyagi ruangan. Mandran anabyagi ruangba adnardue. Angante anappai Jon Patmos lingan dakule, Kitungan gudingle gamle,

Butente lanangkaban arduben itsumteji Janggardadage Kristu mandrengna lingan, Kitungan ajardinna abdainataben. Janggardaben barij deben dete togin batte do saiban Tabme Janggarda lanangkaban.*

Okiy Kinolbe absele: “Derna maran awr sanittan hangte, bindo ayengan a mandra bitti awr mar a deben karran abumengdamten anin panadradan hangte” (Bangsa Hanang 28:20).