Oct 11 – PRACHUR ASHIRBAAD!

Proverbs 28:20 “ekta wafadar manu ke gherav koribo ahirbad khan pora”.

Isor icha kore bhorta koribole apuni ke Tai laga prachur ashirbaad khan logote. Tai ase anginat strot sob bhal laga; sob mahaanta laga; sob uphar laga;a ru sob shakti laga. Kilekoile apuni ase Tai laga bacha khan, Tai jun bhorta kore sob ke sob te Tai laga bharpoorn  pora, icha kore ashish koribole apuni ke Tai laga gherav thaka ashirbaad.

Sob juntu Isor akha kore apuni pora ase wafadaari te, pabole Tai laga prachur ashirbaad khan ke. Ekta wafadaar manu ke gherav koribo Tai laga ashirbaad pora. Judi apuni ase wafadaar olop saman khan te, Isor pora bonabo apuni ke raj kora bishi saman khan te. Hoilebi jun khan nahoi wafadaar; jun khan dhoka daari kore misa pora, hobo pare unnati kora, hoilebi hekh hobo hara te aru dukh te hi.

Ami khan dikhe bishi sangharsh kore aru porikha paa juntu ekta manu paar koribo lage, jitya tai thake wafadaar. Pobitro kotha te koi, “bishi ase dukh khan dharmik laga, hoilebi Isor mukti kore tai ke itu khan sob pora” (Psalm 34:19).

Sabi Daniel ke! Tai thakishe wafadaar aru korishe kaam ke imandar te. Hoilebi dangor khan sorkari laga bisarishe tai ke kunuba galti te Daniel laga. Pobitro kotha te koi, “Hoilebi tai khan panai iku galti ke, kilekoile tai thakishe wafadaar; nahoilebi tate iku galti panai tai te” (Daniel 6:4). Tai khan nirnatar thakishe tai khan laga chal logote aru paishe Raja ke manibole tai khan laga biya yogna khan logote,a ru phelaishe Daniel ke gufa te  hingo khan laga. Hoilebi Isor pora bondh kori dishe mukh ke aru bachaishe tai ke.

Ki thakishe gawahi Daniel laga, jitya tai bahar ulai ahishe? Tai koishe, “Ami laga Isor pora pothaishe Tai laga duth ke aru bondh kori dishe hingo khan laga mukh ke, ki tai khan ami ke jokhom nokribole, kilekoile ami ke paishe galti nathaka Tai agete; aru, O Raja, ami koranai iku galti apuni laga agete” (Daniel 6:22). Itu kaorne Daniel unnati korishe rajyo te Darius laga aru rajyo te Cyrus laga (Daniel 6:28).

Isor Nijor hi dishe gawahi wafadaari laga Moses laga,a ru koishe: “Moses, thakishe wafadaar sob Tai laga ghor te” (Hebrew 3:2). Itu karone Tai korishe dangor chamatkar khan ke  Moses dwara;a ru dukkh dishe Egyptians khan ke dangor vipati khan pora.a ru Moses dwara, Tai bachaishe Israelites khan ke aru loi jaishe tai khan ke Pratigya laga mati te. Hosa bi, wafadaari manu ke gherav koribo Isor laga ashirbaad logote.

Isor laga bacha khan, hobi wafadaar. Janibi kinika wafadaar pondit khan Isor laga jinika Josesph, Moses, aru Daniel ke uthai dishe. Itu nishina hi, apuni ke bi utahai dibo.

Aji dhyan koribole laag pobitro kotha tu hoile Proverbs 22:29 “ki apuni dikhe mmanu ke jun uttam kore tai laga kaam te? Tai khara koribo raja khan laga agete; Tai nakoribo khara agete najana manu laga”.