Oct 10 – Gilead a Barun!

“Gilead desa lingan regaman agassa po? Tette tire maran agassa po? Etteden iten asan mandra-henji a ansalo-onan sanamangan adhange?” (Jirimiya 8:22)

Gilead a barun bo bangsa gudangdage a barun, darunyung Jordon ajordaban saring. Pisgah, Abarim do Beor kan kudduban murdadage a barunji. Josua tiyle Manosih a d’ong sardidyungban ate do Reuben ate kandrabirdiban ate. Jajingante ate bibol-lingan, kan a manengban ate Gilead a barun gamteji (Aparmangtan 31:21), Jajingante ate Gilead a barun (Danisam 32:1), do asui ate anabmaina dele Gilead batte (Sanenken 60:7).

Balam nebanji kun baru-lingan adakun batte bo bangsadage. Balam bo bangsa nebanji barijloge radu abmete do rabrabte. Butente kun balam gadteji, gadle kun a neban. Do J’ee dunglen neb-lingan saring yirtai, mandran a mihman ambrij.

Angante amben omburton agadte kundin batte, paludage ardub dungte. Bindo bogad amben kan aneb-lingan saring, j’edage ate dungte. Kan ate aboi objongte Kristun a mihaman, butente abangsate ertu’len do banimbimlen, butente murdadage a mihaman lalle. A itsuman ambrij kuddub bimbimlen do er-t’ule sagaite, Kalobori arakadang-linglen, absamangben asan, abrapduben do erahidan a mandrengna atiyben asan.

Dile akandar-d’ongan apanaran, engale kundin batte agadtejio ambrij. Amihaman balam neban ambrij Gilead barun kuddub er t’ulanji do bimbimanji sangaile.

Bogad amben er-t’ul do er-bangsa delebenden, orde bimbim-lingan dakulabenden amben Gilead a baruban ayirben dete. Do Kitungan absamangtaben banimbiman saring do surda daina tiytaben bangsa d’ongan batte. Nami, barij tanimyiman batte Anin gamte, “Hen Misoranji a d’ong itente a kuddub banzmbzman abmelai, kun a kuddub d’ong-ben adnabhanghangai. Iten asan gamlenden d’ong-ben absamangten a Gamangtungan Hen na” (Hanagod 15:26).

“Nami Jephthah Gilead a barun radu maran dakule” (Bitsara 11:1). Angante Mojes bo soa bokurdi mihnum dakule, amadan radu mardir ajinganji ranaptidam dakule. Anin radu bareij urpara dakule. Kun ayamlingan, anin daile Nibo do Pisgah barun. Titten saring Kitungan Gilead a darakuna absuile (Bagujoanaber 34:1-3). Tanahimdam Kitungan a onagji, balam neban Gilead baruted sattan bindo panglai Kitungdage ranaptin do radu abmete.

Okiy Kinolbe absele: “Gilead do Manasse Henate; Eprayim ranubbob-luang-Hen do Juda desan ranapti-raja-danggu-Hen” (Sanenken 60:7).