Oct 10 – BHARPURER ATHMA

Malaki 2:15 Vunden Dever Athmathi yek vesaru kidokonika? Kassenkatho vundemathi Dever valad pedavenu kanaj.

Dev Adamen thayar kidojana vona bharpur Athmathin akkalan genethi kidocha. Dev bharpur Athamathi cha.

Adamen beta pedavojana vu beta vor bap Adamer sayaaman, vor yadir godema balar nai vaddoju dekacha.

Hava yek Bala yee dharthipar pedavajana vorvuj chaleni, vathe kareni,hacho khano khayeni. Vu bala vor baper dakal vajethanu deelosan vaddanu lagacha. Thodsek admivo yek admin 24 varsemaj bharpurethi vaddacha Kan kacha. Lapan Yehuduleval mathram 30 varsemaj bharpurethi vaddach Kan nammacha.

Lapnan vadder kajako yeej varsema viyya kaiko Kan kero veni, vaddero kajako varsa varas yek admir jeevanema  palajako anubhavan pakadan racha. Jethij Darshaner grandh 22:11 vachanema yidek niyather vujji niyathethi reda, pavithrero vujji pavithar veda Kan kacha. Kunvatho Yesu Christhur sayaama vaddanu kelachko vu dadi daadi vor vasu Kam karnu.

Rakshana kajako yekkaj ghadima paleja,Pavithar Athmathi abhishekam yekkaj dadema paleja,Athamar varalen thodsek dadema payeja kaiko lapan bharpurethi vaddero kajako vu yekkaj dadema chalajako khabar koni, jeevaner dad sari pamajako anubhar vadithi racha. Thar jeevanema Yesu Christhuna mundag mellan vor sayaama bharpurethi vaddaju dadi puro dallethi prayasa padanu.

Jagema yek savaal cha ‘vinda agedi Ka nathkan kukadi agediya aayich’Kan puchu karacha. Admin yee savaalen yekkaj vathethi bhelnakacha. Lapan Dever vachanema kukadij agediya srusi veecha Kan kacha. Kasen katho Dev Adamen nankya balarnai thayar kido koni pan bharpur manikyanaj thayar kidocha. Adamer vadithi beptan pedakaran vunden yek valader nai vaddadnu kajako Dever khathar ven ra.

Mar Premevalavo Dev thamena bharpurethi banchevasuj balamelocha jethi thu jeevanema daadi dadi barpuro vaddanu. Kanna yee bharpurer Athma tharema vassachko janna thona bharpurethi chalavacha.

Ajji jada dhyan karen pado  Ephesivalun 4:11-12 Apan sey Dever Betaparer viswaseman,genema yekven, Christhu mundag hubarkadnu..