Oct 09 – BAROBBAR JEEVANO

Yohan 10:10 Ma gorlina jaan malenan, bharpur vena aayo.

Aposthaler Kam 17:25 Vachanema chaju apaner Devaj sejini jeevanena, voopirina,ajji chavunujako sey devalo cha Kan vanchacha. Agadiyar grandh 1:7 vachanema chaju apan vaal cheniju bancher butha veni. Yee manikyan Dev dhuder bommar dakal thayar karan vor naaker sandhuma  vaal phukaresath vu dhuder bomma banchero jeevadar nai vego kan dekacha.

Yek dad pap manikyar jeevanema aathanu bhari moto sarapethi vethi kunika?  Jethij paper phal moth kan Bibilema dekacha. Jesaruj sathan aayojako chorenan,marnakenan, haal karena avachapan dusaro knseni aayeni kan dekacha.

Yek gonni vor dhanin mosa karnaki kethahu vor gonnir mundepar acid rednako Jana vor Mundo balgojethi vu gonni bhari ghatto barkayi. Vu Dhani vor gonnin aspathrin balalego. Vor Mundo deker venijathra vikarvagi raju vaaru vegi.

Manikyar jeevanema Pap sada athraj. Yee paper kaaranathi manikya Dever sayaana,mahimana ajji Devethij sahavasena gamalido. Deven Abba Maro Bap Kan balayer balavnina vu moto Dev dinojako adhikara palan karer badhyathana,Dever gun ganalena gamalido. Hannu papema padgejako manikyan rakshan karenaj yee dharthipar Yesu Christhu aayo.

Yesu Prabhu aan dikavajana vu chajunj apan vona dekiya jethi,vor nai badlavni karan yee papsarapethi chodanakocha. Kassen katho nithya jeevanen balalen javnu kajako yekkaj asa.

Ajji jada dhyan karen pado  Colossivalun 1:28 Heryek manikyani Christhu Yesuma puro vaddajer nai thamadena,vonaj ham prachar karrecha.