Oct 08 – HUA POORNATA!

Colossiana 1:28 “Tai ke amikhan prachar kore, hoshiyar kori kene sob manu ke aru shikai sob manu ke sob gyan te, ki ami khan dibole sob manu ke poorn Krsita Jisu te”.

Itu podh te Chela Paul pora bhal pora dikhai tai laga uddesh ke Tai laga abhan ke. Itu ase icha Isor laga dibole sob manu ke poorn Krsita Jisu te.

Aji bi, itu ase adsh diya sob Tai laga naukar khan ke. Itu kaafi nahoi looi jabole ekta manu ke pachyatap aru mukti te loi jabole. Hoilebi ai ke anibo lage poornata te Krista Jisu laga;a ru tayar koribole Girja ke hekh te.

Ekbar ekta Sunday laga service te, Pastor bondh korishe tai laga sermon ke aru koishe, ki Isor ahi ase bishi joldh pondit khan karone jun khan ase poornata te. Itu kotha khan bonaishe ekta bishi dangor chabi amilaga mon te. Ami bhabna korishe bishi ki kiman usor as ease ami khan Isor laga din nimite aru kinika amikhan hobo lage poorn pobitrota te. Pungchibole poornata ke Krsita laga ase hodai dinlaga jibon Isai te. Hoilebi kinika ami khan pabo poornata ke?

Ekta naukar Isor laga inika koishe: “itu nahoi mumkin hobole poornata sob vyabahar te Krsita Jisu laga. Itu bhal hobo charibole utu sesta ke hoilebi dhyan koribole sob ami khan laga sesta te pura loi kene Krista nijor ke. Isor Jisu ase poorn. Kilekoile Tai thake ami te, sob Tai laga poornata thake ami te. Khali itu nahoi, kilekoile Pobitro Atma thake ami te, tai pora loi jabo ami ke sob hosa te aru loi jabo ami ke thik poornata te. Agh barhi bi jibon te itu biswas logote aru jani kene’.

Isor laga bacha khan, lobi pura dhuri kene Isor Jisu ke. Tai thake apuni te ura Tai laga poorn anugrah te. Jitya apuni berai Tai logote,a ru jitya apuni laga rasta khan khushi kore isor ke, apuni najanai kene, vyabahar khan Krsita laga hobo poorn apuni te. Apuni ke najanai kene apuni bodli hobob roop te Krsiat laga. Utu din te Tai aha laga, jitya pepa bajibo, Isor pora poornata te bodli koribo apuni  ke aru loi jabo mahima pora mahima te.

Aji dhyan koribole laga pobitro ktoha tu hoile 1 john 3:2 “hoilebi ami khan jane ki jitya Tai ke dikhabo, ami khan hobo Tai nishina, kilekoile ami khan dikhibo Tai ke jinika Tai ase”.