Oct 08 – Hadabloge!

“Kuni a Kristun abmele anlen a oblengtai, do barij banuddin batte dile mandran a d’ong abkilkiltai do dile mandran a d’ong a hanghangtai, yante gamle Kitungan amangban Kristu lingan hadabloge, gamle dile mandran a d’ong anlen rapti a tabnangtai” (Kolossi 1:28)

Sion a barun aboi Jirusalem a tanub. Kan ate Jibusitedanji a s’i-lingan daku. Kan Sion a barun radudam do ranabrabdam. Josua, orde Banitsara-mareanji orde Sol Israel a Raja bakurdi mihunm sikoija, kun ate anin adaneben dele. Bindo Daudo kun abmele anin radu anogalan pangle Sion a barun abmele. A tiki ganudingan dele Daudo a garden.

‘Sion a Barun’ gamlenden Uyungan a tarban. Bo surda beran daku kun tarban-abmele, engale kun tarban dile torong gijgijte uyungan a d’ong. Tarban uyungan ambrij gijtate do uyungan amangban yeryeren dakuten. Kun ambrij, Kitungan a mandranji Jisun Kristun amangban agijgijben dete uyungan a ranoitadan ambrij. Kan ambrij unji Janggardadage bernanji daku Sion a barun abmele?

Aparamangtan-lingan, engale anidolan dele Israelanji abmele Daudo a garden. Raja Daudo Kun amanengban gutulle. Kun ayam-lingan lanangkaban tanangle do Jirusalem lingan kan ambrij. Angante Solomon gutulle Kitungan a s’ingan, unji barun abmainale; Sion, Akra do Bejeta. Anab-bagu-lingan, anappai Pol gamle?

Bindo amben Sion bwran, am’eng Kitungan a gardan, ruangdage Jimsalemban, do kuduai kuduai mang pisirdianji amangba. Sion a barun aboi sanengsenglen ambrij gadlamte dile Kitungan a onanji abmele. Anab-yagi-lingan, anlen kinoltabe Sion a barun abmele Ruangan-lingan. Anlen janang kinoltabe “Sion abariban, banangsan do lananggen, Kitungan puangte. Sion Kitunglen abarsusingan. Oante-janang Tabme ruangan abmele, tabme ordaran’.

Tanahimdam Kitungan a onagji, Kitungan d’ongben gudingte kun saring. Barij tanimyiman batte Anin gamte, Anin yirtai do abrukkutalen, aten asan anlen Anin ampara adakunaben dete. Anlen Anin adayarna atuyalen asan, oskaidamnaban Anin adayarnan abmele! Do tabme Jirusalem, arabangte barijloge Sion a barun abmele, Anab-unji-lingan, ranukkunji itente Kitungan Anindaman gutulle, gamteji Sion. Bibolan gamte, “Angante Gamangtungan Sion bargutulte.

Okiy Kinolbe absele: “E timyim maranji, nami anlen Kitungan a onanji na, do ibente anlen a julu lingan detabe, antate endrang panunggen de-e, bindo Anin panunggen a deten adnang Anin ambrij anlen detabe, gamle anlen a galam, iten asan gamlenden, engale Anin daku, ettele anlen Anin a d’ong gijtabe” (1 Jon 3:2).