Oct 07 – POORN TAGOT!

2 Corinthians 12:9 “Ami laga anugrah kafi ase apuni karone, kintu Ami laga tagot bone poorn komjuri te”.

Ashirbaad ase manu jun nirbhar kore Isor te Teon tagot karone;a ru jun laga tagot ase Isor te. David thakishe ekta manu jun anondo kore; aru tagot hoi Isor dwara sob jag ate jibon laga. Tai koi, “Isor ase ami laga tagot aru gana” (Psalm 118:14). Itu ase Isor laga icha ami khan karone poorn hobole tagot te; itu karone itu zaroori ase ki ami khan hobole tagot Isor te.a ru Isor ase iman utsuk bhorta koribole amikhan Teonr tagot logote.

Apuni khan hodai hi kobo lage itu podh te aru hobo lage tagot. “Ami pare koribole sob saman khan Krista dwara jun tagot kore ami ke” (Philippians 4:13). Hobi bhorta swargya shakti logote Pobitro Atma laga (Acts 1:8). Rukhibi Isor ke, lagi thakibi Teon pratigya te aru hobi notun tagot te (Isaiah 40:31).

Bhabna nokori bi nijor ke komjur koi kene; ekta anath koi kene; pora likha nai koi kene, aru nahobi chinta atma te. Yaad rakhibi. “Isor pora chunishe budhu saman khan ke itu prithibi laga sorom te dhali bole gyan khan ke,a ru Isor pora chunishe komjur saman khan ke itu prithibilaga sorom te dhalibole saman khan ke jun khan ase tagotwar” (1 Corinthians 1:27). Isor pora chunishe apuni ke aru bhorta korishe apuni ke swargya tagot logote.

David sai isor ke jun tagot kore tai ke aru koi, “kintu Apuni amike dhurai dishe tagot logote judho nimite; Apuni dubai dishe ami nichete tai khan ke jun khan khara korishe ami laga khilaf te. Kintu Apuni dwara ami polabole pare khilaf te ekta jhundh laga; amilaga Isor dwara ami jhap maribole pare bera ke (2 Samuel 22:40, 30).

Kun Israelites khan bi komjur thakanai. Moses, jun loi jaishe tai khan ke thakishe ek sau bis saal jitya tai morishe. Tai laga nazar dhundla huanai nahoilebi tai laga prakritik tagot kom huanai. Sabi caleb ke, jun thakishe ekjon dangor Israel manu khan majaete. Judi bi tai thakishe panchasi saal  umor te, tai thakishe pura bal aru tagot. Tai koishe, “jinika ami ase tagot aji laga din te ki moses ami ke pothaishe; jinika ami laga tagot thakishe titya, toh itya ami laga tagot ase judho nimite, duita karone bi jabole bahar aru ahibole bhitor.” (Joshua 14:11).

Poila ami khan pai tagot kea mi khan uddhar laga. Ami khan mehsus kore maujudgi ke Isor laga aru pura rakshak swarg laga thaki kene ami khan phine, homoi tea mi khan uddhar laga. Ekta mahaan mon loi kene, David mate Tai ke “Pormeshwar isor laga, tagot ami laga mukti laga” (Psalm 140:7). Dusra, ami khan likhe tagot ke kotha pora Isor laga. “ami khan prashansha koribo lage nijor ke, hosa byko dwara, Isor laga shakti dwara, dharmikta laga kawach dwara dahina hath te aru baya hath te” (2 Corinthians 6:4-7).

Tisra, ami khan pai tagot ke Pobitro Atma pora. Chela Paul likhe, “itya hobole dibi Isor akha laga bhorta koribole pura anondo logote aru shanty biswas te, ki apuni ke gherav hobo akha te shakti dwraa Pobitro Atma laga” (Romans 15:13). Isor laga bacha khan, hobi tagot.

Aji dhyan koribole laga pobitro kotha tu hoile Psalm 84:7 “tai khan jai tagot pora tagot te; har ekjon ulai Isor agete Zion te”.