Oct 06 – POORN SUNDARTA!

Psalm 50:2 “Bahar te Zion laga, poorn sundarta, Isor laga jilikibo”.

Jitya ami khan agh barhi jai poornata phine, ‘Poorn Sundarta’ ami khan te pabo lage. Poorn sundarta mane swargya sundarta, roop Krista laga. Ami khan hobo poorn sundar, ki manu khan jun dikhe ami khan ke paribo janibole Jisu kea mi khan te.

Juntu homoi tai khan hune itu hobdo ‘sundarta’, kunuba manu khan bhabna kore cosmetic saman khan – juntu khan ase bahar laga dikhava karone. Bishimanu khan dhyan kore bahar laga sundarta ke, bhabna nokori kene bhitro laga sundarta ke.

Chela Peter pora koi, “hobole nadibi apuni laga akarshan bahar pora – chuli thik thaka, sona pindha nahoilebi kapra bhal lagai diya. Hoilebi hobole dibi luki thaka mon, moila nahua sundarta pora norom aru shanth atma laga, juntu ase bishi kimti nazar te Isor laga”. (1 peter 3:3-4).

Apuni khan icha koribo lage ekta norom aru shanth atma karone. Jitya apuni ase shanth aru norom, apuni bonibo nomro aru tate swargya sundarta ase inika nomrota te.

Sabi ami khan Isor Jisu ke! Pobitro kotha te koi Tai thakishe chup ekta memna nishina, aru khulanai Tai laga mukh ke. Itu bhal ase thakibole shanth, jitya apuni ke lage hobole shanth.

Jitya manu khan icha kori loishe pathor pora mari bole utu bodmas maiki ke, Jisu chup thakishe. Hoilebi jitya tai khan nirantar hudi thakishe Tai ke, Tai koishe tai khan ke, “Tai jun ase paap nathaki kene apuni khan majate, phelabole dibi tai ke pathor poila”. Itu kotha ulai diya pichete, tai wapas jaishe Tai laga chuppi te. Itu ase ekta chavi rajasi aru mitha sundarta laga;a ru itu thakishe anugrah bachabole bodmas maiki ke tai laga paap pora.

Kunuba khan ase jun khan kotha kore narukhi kene, jun khan niyantar koribo napare tai khan laga jibh ke. Hazarta hobdo khan te, paap nathaka nai. jun khan bishi kotha kore tai khan bishi phasibo. Tate ase homoi kotha koribole aru homoi chup thakibole. Apuni khan pabo lage itu anugrah ke hobole noroma ru shanth, Isor pora.

Judi apuni icha kore poorn hobole sundarta te, apuni bi dhyan koribole lage adot khan te Isor Jisu laga. Ami khan porhe  Pobitro kotha te ki Tai ase iki logote moromial (Song of Solomon 5:16). Apuni, junke loi ase ekta dulhan hisab te Krista laga,  pabo lage itu swargya sundarta ke.

Isor laga bacha khan, jitya apuni phelai lamba fhanta khan ke maujudgi te Isor laga, titya sundarta aru puhor Isor laga sundarta laga thakibo apuni te.a ru apuni laga swabhav dikhi pabo norom hua te aru shanty te;a ru apuni thakibo swargya sundarta. Aru Isor anondo koribo apuni te aru matibo apuni ke poorn sundarya aru iku dagi nathaki kene.

Aji dhyan koribole laga pobitro ktoha tu hoile Song Of Solomon 7:6 “kiman boga aru kiman sundor ase apuni, o morom, apuni laga bhal khan!”