Oct 05 – PAHAR SINAI!

Exodus 34:2 “toh tayar thakibi phujir te, aru ahibi phujir te Sinai paharte, aru maujud thakibi nijorte Ami ke tate uporte pahar laga.”

Jitya Isor kotha korishe Sinai pahar laga, Tai koishe, “aru itu apuni karone ekta china hobo apuni ke juntu ami apuni ke pothaishe: jitya apuni anishe manu khan ke Egypt laga baharte, apuni khan seva koribo Isor ke itu paharte.” (Exodus 3:12).

Sinai pahar tu ekta aradhana kora laga jaga ase. Isor pora chutkara dishe Israel laga bacha khan ke Egypt manu laga bondhi pora, tai khan ke aradhna koribo dibole atma aru hosate.

Ekta manu laga sahi uddesh tu hoile bachibole laga ase, hobo lage aradhna koribole aru anondo koribole Isor ke. Jitya apuni aradhna kori thake, Isor laga maujudgi ahe nichete apuni laga majete. Aru Isor jun hi thake apuni laga aradhna laga majete, ahe morom  pora aru berai apuni khanlaga majete.

Utu alag kinara nadi laga jaga ase jote Israel laga bacha khan, thake iki logote aradhna koribole aru seva koribole. Jitya pharaoh aru tai laga sipahi khan ke phelai dishe Lal samundar te, tai khan aradhna kore aru anondo pai koi kene: “gana koribi Isor ke, kilekoile Tai jitishe mahima pora! Ghora khan aru itu ke chola laga girai dishe samundar te!”

Ami khan pore sob tai khan laga gana khan ke aru aradhna kore exodus te, adhyay 15 te. Kinika apuni khan aradhna koribo Isor ke jun pora khemai dibo apuni laga sob galti khan ke, jun pora bhangai she sob apuni laga sharp khan, aru bachai she apuni ke dushman laga hath pora aru bachai diye apuni ke azad te?

Mariam, Aaron laga boini, thakishe 90 saal utu homoi te. “titya Mariam, mahila nabi thakishe, Aaron laga boini, loishe lathi ke tai laga hath te; aru sob maiki khan ulaishe tai laga pichete lathi loi kene aru nachi kene.” (Exodus 15:20).

Jitya tai khan Sinai pahar te pungchishe, tai khan laga aradhna uporte pungchishe. Tai khan khaishe Mannah ke, duth khan laga khana swarg laga, hodai din jitya tok tai khan ke loi jaishe badal laga khuta pora aru kuta jui laga. Aru tai khan gor nishina tagot hoishe. Aji laga din te bi Sinai pahar apuni ke mati ase. Apuni khan agete  jabole lage aradhna koribole Isor ke.

Sinai paharte, Isor pora rishta bonai ase apuni logote, aru dibo apunike adesh. Moses paishe niom khan ke aru dosta adsh ke Israel manu khan karone. Tai anondo hobole thakishe gana te, aradhna te aru mahima te Isor logote challis din karone.

Aru jitya moses ahishe Sinai pahar pora – pahar Isor laga, tai laga chehra chamki she. Itu chamkishe iman ujala pora ki Israel laga bcha khan sabole paranai tai laga chehra ke “aru jitya Israel laga bcha khan dikhishe moses ke, ki moses laga chamra aru chehra chamki she, titya moses tai laga chehra te kapra dhalishe, jitya tok tai tai khan logote kotha koranai” (Exodus 34:35).isor laga bacha khan, jitya apuni jabo Sinai paharte aradhna koribole Isor ke, apuni laga chehra apuni laga jibon ujala hobo.

Aji bhabna koribole laga pobitro kotha tu hoile Isaiah 43:21 “itu manu khan Ami binaishe Ami karone; tai khan kobo Ami laga mahima aru aradhna ke”.