Oct 04 – SAMPURNA HOSA!

John 16:13 “tothapi, jitya Teon, Atma hosa laga, ahishe, Teon dikhabo sob hosa  te”.

Judi apuni ke lage anondo te agh barhi bole purnata te, apuni hosa bi paar koribo lage sob hosa dwara. Ki ase utu hosa khan? Pachyataap kora mora kaam khan pora, biswas Isor phine, sidhanth baptisma laga, diya hath ke, punarutha mora pora, aru hodai din laga faiala. Itu khan ke dikhai ase jor laga niom khan.

Ekta taan jor nathaki kene, itu mumkin nahoi uthabole ekta sthir imarat. Ami khan hune bishi imarat khan giri jai aru ane dangor ghatna khan ke, kilekoile komjur jor thaka pora. Judi jor ase tagot, imarat hobo sthir. Atma hosa laga dikhai apuni ke sob hosa te,a ru tayar kore apuni ke khara kora bole ekta dangor mahal te Isor nimite. Ki itu achurit avsar nahoi apuni karone?

Pobitro Atma ke bi mate Atma hosa laga tai pora dikhabo apuni ke sob hosa te. Aji bi, ami khan dikhe sau te girja khan ke nijor laga shiksha thaki kene. Kunuba girja khan dhyan kore kisuman hosa te, judi bi nasai ase dusra hosa khan ke.

Aru kunuba khan, sesta kore, lukabole Atmakarik hosa ke, dikhabole tai khan laga nijor icha khan. Kunuba khan mana bi kore hosa ke. Kunuba khan nirnatar loi jai purana niom khan pora aru sidhanth khan pora, Pobitro Atma pora chola bodli te. Isor pora dishe Atma hosa laga, dikhabole apuni ke dharmik rasta te.

Vyapari jun khan lage paar koribole Arabian reth jaga pora, loi jai tai khan laga pala kopu khan ke. Jitya bi tai khan najana hoi rasta ke kuntu te jabole, tai khan bandhe ekta lamba dhaga itu chiriya laga theng te aru uribole diye. Chiriya khanuthe aru ure rasta phine tai khan laga ghor laga. Aru itu pora, vyapari khan janibo thik rasta ke ahibole ghuri tai khan laga ghor te.

Pobitro Atm ase dikhai diya kopu nishina jun jai apuni agete. Jitya bi apuni najane kuntu rasta ase;jitya bi apuni uljhan te thake, Tai por dikhai dibo apuni ke sob hosa te Tai laga salha pora. Pobitro kotha te koi, “Berabi Atma te, aru apuni nakoribo bhorta koribole lobh ke gau laga” (Galatians 5:16).

Isor laga bacha khan, judi apuni piche kore rasta ke Isor laga, apuni hosa bi pabo sampurna ke. Apuni ke loi najabo lage prithibi laga niom khan pora aru manu khan laga anubhav pora, hoilebi Atma hosa laga pora. Jitya apuni ke loi jai Atma hosa laga, apuni pabo dangor ashirbaad ke Isor laga.

Aji dhyan koribole laga pobitro kotha tu hoile Romans 8:14 “Kintu kiman bishe ke loi jai Atma Isor laga, itu khan ase putro khan Isor laga”.