Oct 04 – Repidim a Barun!

“Seletten Mojes gamle….” Biyo hen s’iling-hen Kitungan a danggun donsile a muttibwr lingan tanangtai” (Hanagod 17:9)

Israelanji hanagod-lingan dakuleji aringringgodban, ajanibjiban a desaban, misor saring asangailenji a tiki. Kun ayam, Amalekianji yiraiji amangba abumungdage, adangben do asanuben asan Kitungan a onanji ad’ong kun danetenji saring adangdage adesanban, itente Kitungan jibjible a d’onganji.

‘Amalekites’ gamlenden ‘d’ongan’, do aninji d’onge-lingan aboina radu, do itsumdaman ambrij amengnaben d’ongdage anabs’idan. D’ongdage abs’idtaben a janggardadage anabsidan ambrij do d’ongan batte. Ajardinna jangardadage a itsuman, bindo d’ong aert’ulan.

Kun amalek a udleng onan Esun, do a onan Elipas, Timna kudle, (Aparamangtan 36:12). Anin Edom a Kitungan dele. Aninji Abraam saring a yiraiji amandranji, aninji Kitungan a d’ong adsenadji. Aninji a d’ongdamanji derderlenji do a itsumanji ambrij. Angante Mojes gijle Amalekites do aninji amangban sanulen, anin gamle Josua: “Seletten Mojes Josua a d’ong gameten, Aman anlen apsele man-dranji seda-an sedale Amalek ampara a sanuben asan yerba. Biyo hen s’i-ling-hen Kitungan a danggun donsile, a muttibwr lingan tanangtai. Ante saring Mojes a tam banai-han ambrij, Josua Amalekanji ampara sanueten bar Mojes, Aron do Ur kan aninji muttibwrban daileji. ams’in anindam Bar Mojes teredlen adnang Israelanji dainan hangleji bindo anin a s’in laduilen adnang Amalekanji dainan hangleji” (Hanagod 17:9-11).

Nami bo surda annual-beran: Iten a tanakudan anabdaina tiyte? D’ongan orde Janggardan? Buten dainate – Kitungan orde Sonuman, kan bo surda? A jardinna Mojes a s’lingan butente alangkaban, abmele. Kan ate ranadun ted Josuan kun ayamling, bindo Mojes a janggardan aranaptin, lanangkaban saring daina dele. “ Seletten anin gamihten: nes Jirubabil amangban GAMANGtungan a bernan deda kani: Ranadun batte ted, ranaptin batte ted, bindo Janggarda-Hen maih batte. Kanate kuduai kuduaianji a GAMANGtungan gamte” (Jikoriya 4:6).

Tanahimdam Kitungan a onagji, baru a langkaban yiraiba. “Tirid-s’inaba, do Kitungan a d’ong abm’oihba” (Sanenken 134:2). “Hen itsumtai anten asan mandran garbernaben dile abmele, tiridsiling, iteja erogandilebe” (1 Timoti 2:8). Mojes tirid-silen Kitungan amangban (Hanagod 17:9).

Nami janang Kitungan amangba tiridsinaba. Do marid a berna Marid Bibolan saring. Amben aboi aboi karda sattan akinoldong, bindo jaru anogalan batte barij j’eben batte. Amben tiridsilen Kitungan a bernan, engale daina kaban ambrij. Amben agamben dete Kitungan Jioba Nissi daina kaban. Angante amben Kitungan amangban a tiridsiten, A radu himan do a marid bibolan, amben abmele Kitungan sanuten do daina tiytaben.

Okiy Kinolbe absele: “Bindo Mojes rangsilen asan aninji aboi arengan pangan pangle an-in a jaitan dakkuleji bar Mojes kun a langkan gobeten. Bar Aron do Ur Mojes a bagu maneng dakuan dakulen, anin a s’in teredleji. Kun a dinna bubyung sikkoi ja anin a s’in gariloge dakule. Anten asan Josua Amalek desa kardiban batte maranji a d’ong abladnale kabhideten” (Hanagod 17:13).