Oct 03 –THIK ICHA!

Colossians 4:12 “ki apuni khara koribole thik aru paripurn sob icha te Isor laga”.

Jitya apuni kotha kore ‘Thik icha ke Isor lagaga’, itu diye uthibole bhabna te judi tate iku ase thik nathaka icha te Isor laga. Inika hi jitya apuni koi ‘khara thaka thk icha te Isor laga’, apuni bhabna kore judi kunuba napare khara koribole icha te Isor laga.tate bishi jon ase jun khan sesta kore icha ke Isor laga koribole, adha mon loi kene. aru itu karone hi tai khan samna kore bishi samasya ke pichete tai khan laga jibon te.

Itu thik icha thakishe Isor laga ki Abraham bonibo lage baba pushti tok tai laga maiki Sarah dwara. Hoilebi Sarah rokhanai icha ke Isor laga, hoilebi kaam korishe tai laga manu bhabna logote aru koishe Abraham ke: “sabi itya, Isor pora rokhaishe ami ke pabole bacha ke. Morom kori, jabia mi laga naukar logote; hobo pare ami pabole bacha khan tai pora hi” (Genesis 16:2). Kilekoile tai khan najani kene icha ke Isor laga, Abraham harishe bujibole thik icha ke Isor laga.

Itu laga natija, tate uthishe pushti juntu khilaf te chuni loa pushti Isor laga. Tai khan paishe Ishmael  ke.a ru ami khan dikhe, aji laga din te bi tat ease judho aru lorai majate Arabs aru Israelites khan laga;a ru iman khun phelai diya. Jitya apuni nahune thik icha ke Isor laga, itu loi jai iman dukh te.

Jitya Isor khotom koribo thakishe Sodom aru Gomorrah ke, Tai dikhai dishe Tai laga thik icha  ke Lot ke aru adesh dishe tai ke koi kene: “polabi apuni laga jibon nimite! Nasabi piche apuni laga nahoilebi narukhibi kote bi sidha mati te. Polabi pahar khan te, nahoilebi apuni bi khotom hobo” (Genesis 19:17)

Lot laga maiki dhyan koranai icha ke Isor laga. Aru jitya tai saishe piche, tai bodlishe khuta te niomok laga. Lot bi kornai thik icha ke Isor laga. Tai anurodh korishe Isor ke aru koishe: “ami polabo naparibo pahar khan te, nahoile kunuba biya ami ke pabo aru ami moribo. Sabi itya, itu nagar ase usor te polabole aru itu ase chutu; morom kori kene agya dibi ami ke polabole tate aru ami laga  atma jiyabo”. Aru Isor pora mani dishe tai laga anurodh ke. Hoilebi ami khan dikhe kiman pushti lot laga bonishe ahrapit itu pichete.

Itu nishina hi Nabi Balaam bi kornaia thik icha ke Isor laga. Tai manishe   shrapit koribole manu khan ke Israel laga bhugtan koribole. Hoilebi jitya tai janishe ki itu ase icha aru khushi Isor laga ashirbaad koribole manu khan ke Israel laga, tai dishe tai laga biya yojna Moab laga raj ke, bonabole Israelites khan ke paap te giribole.a ru hekh te, Khong Isor laga girishe Balaam te aru tai ke morai dishe. Isor laga bacha khan, sesta nokori kene icha ke Isor laga, judi apuni mange Isor ke kiba saman nirnatar, Tai dibo pare apuni ke. Hoilebi itu kitya bi nanibo thik anondo aru shanty apuni laga jibon te. Na itu hobo ekta ashirbaad.*

Aji dhyan koribole laga pobitro kotha tu hoile John 9:31 “itya ami khan jane ki Isor nahune paapi khan ke; hoilbei judi kunuba ase sevak Isor laga aru kore Tai laga icha, Tai hune tai ke”.