Oct 03 – MAPUNG PHABA ANINGBA!

“Aduna nakhoina Iswargi aningba adugi matung inna mapung phana amadi changkhonna leppa ngamnanabani.” (Colossians 4:12).

Iswargi mapung pharaba aningba asigi maramda nahakna ngangba matamda,Iswargi mapung phadaba aningbasu leibra haibasigi wahang thoklak i. aduga chap manana Iswargi aningbada mapung phana leppa haibasigi wahei asidasu wahang adu thoklak i. nahakna ngaki haibadi kanagumba amana Iswargi aningba aduda mapung phana leppa ngamdabra. Mi mayamna Iswargi aningbasi thamoi tangkhai khaidoktuna touningi. Aduga masina maram oiraga makhoina tunggi punshida tongan tonganba awabada taduna leire.

Sarahgi mapanna Abrahamna juk juk ki mapa ama oiba ngamgani haibasi Iswargi mapung pharaba aningba oirammi. Adubu Sarahna Iswargi aningbagi matung inna nataduna mahakki mioibagi lousing sijinnaduna Abrahamda asumna hairammi, ‘yengu, Prabhuna eibu  angang pokpa yahanbidre. Chanbiduna eigi inainupida change,aduna mahakki mapanna eina angang ama phangbasu yai.” (Genesis 16:2).  Mahakna Iswargi aningba adu khangdabadagi Abrhamnasu Iswargi mapung phaba aningba adu khangdokpa ngamlamdre.

Madugi mahei oina Iswargi khandokpiraba machasinggi maiyokta leiba tonganba Charon suron ama thoklakkhi.  Makhoina Ishmael pokkhi. Aduga eikhoinasu uduna leiri haibadi Israel machasingga Arabs machasinggi marakta toina toina lan soknaduna ee nai taduna leiri.  Nahakna Iswargi mapung pharaba aningba adugi matung inna  chattrabadi maduna awaba anaba kaya puduna lakli.

Iswarna Sodom amadi Gomorrah adu manghange haiba matamda, mahakna mahakki mapung pharaba aningba du Lot ki maphamda phongdoktuna asumna hairammi, “nathawai kannaba chenkhro! Tung hanna yenglakkanu aduga tampakta su thinthaganu.  Chingda chenkhro natrabadi nahak manggani.” (Genesis 19:17).

LOtki nupi aduna Iswargi aningba adu thowa saramde. Mahakna tung hanna yenglubada mahak thumgi yungbi oinkhre. Lotnasu Iswargi mapung pharaba aningba adu touramde. Mahakna Iswarda haijaduna asumna hairammi, “ eina chingda chenba ngamloi, maramdi kanagumba phattaba amana eibu manghanduna sibasu yai. yengu, masigi sahar asi naksu nak I, aduga piksu pik I, changbiduna masida chensinduna ithawai kanjanaba ayaba pibiyu. Aduga Prabhuna mahakki haijaba adu yabirammi. Adubu eikhoina uba adudi madugi matung da Lot ki Charon suronsing adu serap phangba oirakle.

Maduga chap manana maichou Balaamnasu Iswargi mapung pharaba aningba adu touramde. Sen phangnanaba Israel machasingbu serap piba yarammi. Adubu Israel machasingbu  bor piba haibasi Iswargi aningbani haiba khanglakpadagi mahakna Israel machasingbu papta tahannaba Moab ningthou da phattaba paotak amukka pirammi. Aduga aroibada Iswargi asaoba adu Balaamgi mathakta laktuna mahak mina tamthina hatpirammi. Iswargi machasing,Iswargi aningba adu khangnaba hotnadaduna karigumba amabu toina toina nirabadi Iswarna madu yabirakkani. Adubu maduna keidoungeidasu mapung phaba haraoba amadi ingthaba adu pibiroi. Madu bor oiroi.

Dhyan tougadaba: “Iswarna pap chenbasinggi haijaba tabide haiba eikhoina khangi, adubu kanagumbana Iswar kiba mi oirabadi amasung mahakki aningba tourabadi, Iswarna mahakki haijaba tabi.” (John 9:31).