Oct 01 – MOUNT ARARAT!

Genesis 8:4 “itu ark rukhishe Ararat laga pahar te”.

Utu ark juntu bukishe Noah ke aru tai laga porivaar ke uthai dishe pani pora aru uthishe prithibi laga sobse uporte. Aru seste tai rukhishe Ararat laga pahaar te. Ararat laga motlob tu hoile pobitro mati koa ase. Itu ekta urbar(fertile) pahar thakishe juntu Armenia te thakishe. tai unchain te saat hazar feet thakishe koile bi, tate bishi urbar thaka laga mati thakishe utu paharte.

Noah laga nau ke uncha uthai dishe bishi borokhun diya pora. Jitya Pobitro Atma laga borokhun apuni uporte giribo, apuni bi notun unchain te jabo, juntu apuni najane itya tok.

Utu Noah laga nau te iku engine aru steering bi thakanai aru itu ke manu laga tagot aru budhi pora cholabole napara laga thakishe. nahoilebi itu ke dahina aru baya hilabole napara laga thakishe. aru tai laga sob kadan borokhun laga uporte hi thakishe. Hoilebi utu nau tu uthai thakishe Noah aru tai laga porivaar ke uncha pora uncha  te, jitya tok  tai rukhanai Ararat laga paharte. Apunikhan bi, jitya pura diye nijor ke cholabole Pobitro Atma ke, apuni laga atma laga jibon bi shuru hobo gorohard tok thaka pani aru uthibo ghutna tok, apni apuni laga komor tok aru inika kori kene bishi gehra hobo jote apuni teri bo lagibo. Aru Pobitro Atma pora dibo apuni ke avsar pahar nishina uncha laga anubhav ke.

Itu khirki khan swarg laga khule aru borokhun diye Noah laga din khan te. Itu nishina hi, chuni loa Pobitro Atma pora giribo sob desh khan te, Isor naha agete. Itu karone, “hudibi isor pora borokhun homooi te borokhun dibole” (Zechariah 10:1). Isor pora itu bi koishe: “aru itu paar hobo ki ami dibo Ami laga atma sob gau khan te (Joel 2:28).

Aji utu borokhun Pobitro Atma laga diye sob jagate kilekoile utu hi Atma laga homoi ase. Itu thik homoi ase nau karone, girja Isor laga uthai dibole swarg te. Apuni ke uthai dibo uncha pora ucha te; pahar khan te nahoi Ararat laga hoilebi hodai din laga pathor te, Krista Jisu. Jitya pepa khan awaz koribo, Pobitro Atma – swarg laga kopou, pora achurit pora loi jabo Girja ke Isor Jisu Krista te- ami khan laga dulha.

Noah khan laga din khan te, lagatar borokkhun dishe challis din karone. Utu onkho ‘chalis’ koi faisla ke. Challis dangor faisla koi kene thaka Pobitro Kotha te. Jitya jonah jaishe prachar koribole Nineveh te, tai tai khan ke dishe challis din karone pachtabole aru guribole Isor te, aru cholaishe utu avsarke bhal pora ghurabole Isor te.

Isor laga bacha khan, apunikhan ke ase din anugrah laga. Homoi dorja nau laga bondh hobole usorte ase. Itu karone, polabi nau Isor Jisu laga, narukhi kene.

Aji bhabna koribole laga pobitro kotha tu hoile Isaiah 2:2 “itya itu paar hobo pichete din khan ki pahar khan isor laga ghorte bonibo uporte pahar laga, aru uncha koribo sob pahar khan laga uporte, aru sob desh khan itu te bahi jabo.”