Oct 01 – MAPUNG PHABA!

Maram aduna nakhoigi swargada napana mapung phabagumna nakhoisu mapung phaba oiyu. (Mathew 5:48).

Swarga da leiriba Ipa asina hiram khudingmakta mapung phabani. Eikhoina karamna mapung phaba oiba yabage haibadu utpina Machanipa Jesu Christa du taibangda laklammi. Hoi, eikhoi asi mapung phaba oina koubirabani,Jesuna amuk lenglakpa matamda mahakkumna saklon hongnaba koubirabani.

Prabhu Jesugi khonggul gi maramda karisu khangdaba mi mayam leiribani. Aduga punshigi pandam asi mahakki matung inbasini haiba khangde. Makhoina mamingtagi oiba Christian oina hingli,makhoina pandam karisu thamde aduga makhoina adum lamserannaduna leire. Makhoina pandam karisu leitana hingbagi maramna Iswarna makhoibu sembirakpagi pandam adu lemna manghankhre.

Pakhonchatpa Paulbu koubiba matamda mahakki pandam di mayek sengna khangjakhi, haibadi mi khudingmaktu Christada pusinduna aduga makhoibu Christada changkhonba oina sinnaba haibasini. Mahakna asumna hairi, “ lousing pumnamakka loinana eikhoina mi khudingbu  cheksinhanduna amasung tambiduna mahakki maramda sandok I, masi eikhoina mi khudingbu Christa Jesuda mapung phana katchanabani.” (Colossians 1:28)

Mapung phaba haibasi eikhoigi lamchat sajat hiram khudingmakta Christagi magun gi matou louba haibani aduga mangonda changkhonna ngajaba asini. Madugi thak younanaba nahakna kanna hotnaba change.  Aduga nahakna nungti khuding mahakki saktamda hongduna leigadabani.

Eikhoigi ashadi masigi taibangga mangtakminnagadaba nate. Masi chaduna thaktuna mangba yaba nate. Masi lomba naidana leiragani. Christagi saktamda hongningbasingna madugi lomba naidaba asha adu leigani

Sastrana hai, “ Achanbasa,houjik eikhoi Iswargi machasingni, eikhoi kari oigadage haiba houjik phaoba phongdokpidri,adubu mahakna phongdokpiba matamda eikhoi mahak manganni haiba khangi, maramdi mahakna oiribagumna eikhoina mahakpu ugani.” (1 John 3:2). Madugi asha leiriba misingna Prabhu bu asengba oibagumna makhoisu sengdokchagani.

Iswargi machasing, Prabhu Jesuda henna naksinnanaba achetpa warep loubiyu. Mangonda napchaduna mangonda  panggal kanba oiyu. Prabhuga numit khuding khutsamnaduna chatlabadi mahakki sak mapung phana hongba ngamgani.

*Dhyan tougadaba:“aduga mahakna kharau pakhonchatpa, kharabu wa takthokpa mi, kharabu evangelist, kharabu pastor amasung oja oinaba pibire, thougalgi thabakkidamak asengba misingbu mapung phahannaba, Christagi hakchang sagatnabagi damaktani, masi eikhoi pumnamakna thajabada amasung Iswargi machanipabu khangbada mata oiba adu youdriba phaoba, mapung phaba mi oiduna Christagi athanbagi mapung phabagi chang oidriba phaobani.  ” (Ephesians 4:11-13).*​