Nov 31 – Edana Dinna-Namji Tanakudan Dete!

“Uyung-nam okij dedlen adyerre orde anggai-nam janang okij dedlen adyerre; iten asan gamlenden Gamangtungan tarda ayam a paneled-nam dete, bar edana dinna-namji tanakudan dete” (Jisaiya 60:20).

Amben pede bangsale abhanale December papwrmihnum lingan 2022, ogandile gijba do mandrengnaben sabrinaba.

Kani na royongan daku tabme mihnum lingan oskaile a yirben abmele, do Kitunglingan surpid-damlen ayirben dete (Jisaiya 60:20). Kitungan d’ongben absittate kan tabme mihnum lingan, do mukababen haling yirte. A rubmang baran batte barij tardangge abmebenten.

Do amben oskailen do anabsittan ahangben asan do rubmang baranji ahangben dete.Josua a gameten a berna a ogandiba: “Ambendaman abmaridnaba (Sanenken 90:15).

Iten asan gamlenden biyo Gamangtungan mang-ling-ben rubmangdagen a baran lumte. Iten a rubmang baran lumte amang linganji? Iten ambrij a rubmang baran sanasai dakule Israel maranji amanglen.

Kinanzban ayirben abmele aninji Jordon jorda a padben dele. Jordon jorda apadben adnang aninji bo surda panadan apadben dele d’a-lingan, bo surda radu d’a lingan bar surda sanumaranji, kun d’an batte. Angante kun ambrij, yangam inslonji do passijanji aduleji kinanzban. Bindo angante Israel maranji abmariddamlenji.

*Kitungan rubmang baranji lumeten. Angante Jordon jorda lingan halingji, d’an a suile kaddabneten. D’an kad-dabneten, bo tagoran gadilele apadben asan (1 Samuel 1:18). Angante sanenken lingan kan jorda abmele. Nami ogandiba iten gambenten kun jorda d’ongben kan ambrij a berrnaling “Kitungan a mandranji yangan Hen tagoran adtiyai.

Anin na d’onghen gabdilih hen dernadage adeben dete! kan ate itsumhen Kitungan amandranji kznaniba ayirben dete.” Amben janang Kitungan a d’ong atiyben dete.*

Ayengan a O’nan Jisun Kristun tiyaiten, amben absele. Do Kitunglen Jisun Kristun, amihaman lalen atanakkudan ayamling janang abluben abmele (2 Korintians 5:17). Do talilingan tanakkun dele, passijanji omdele daku pupu ajumben abmele. Passij-hen ajumben asan kudikota abmeneten, bangsale adnasingle ja, anin omdele adraptiad.

Tanahimdam Kitungan a onagji, Anin surda baranji alumben itsumte manglingben, angante amben abmarid-damten. Anten asan, abmarid-damnaben sanaisai nami do bo surda baran agijte tabme mihnum lingan.

Okiy Kinolbe absele: “Bar Gamangtungan saring tanandzn hangten a mandranji kanenkenan kenle Sionban daiyarre yertaiji; tarda a yaman a man’oihan ranubbobge aninji a b’ob lingan dakute; aninji man’oihan do anerdikan hangteji, danukkan do ruyemnan sangai yerre szdteji” (Jisaiya 35:10).