Nov 29 – KOMOR TOK LAGA ANUBHAV!

Ezekeil 47:4 “arubi, tai jukhishe ek hazar aru anishe ami ke paar; utu pani uthishe komor tak”.

Komor tok laga anubhav koi dhuri kene apuni laga komor ke; aru nomro kori kene manu laga seva koribole. Itu koi mon bhorta thakaa ke nomrota pora. Ami khan laga Jisu adesh dishe ki aapuni laga komor tok dhuri kene thakibo lage apuni laga diya khan eke jolai kene (Luke 12:35). Apuni khan dhuri kene thakibo apuni laga komor ke aru hodai hi tayar hobo lage manu ke seva korible.

Ami sai kunuba mass bikri kora khan ke bosti te. Tai khan rakhe sob maas khan ke duita tokri te; aru bandhe utu tokri khan ke kinarte; aru buke itu ke tai khan laga kandh ate, aru bera bishi tezi pora bishi koile pondro nahoile bis mil tok, tai khan laga jaga ke pungchibole nimite. Hoilebi itu bhar tai khan laga khandha te buka laga agete, tai khan bandhe ekta gamcha tai khan laga komor te tan pora. Ekbaar tai khan itu korile, tai khan saas dhure aru uthai itu bhar ke tai khan laga kandha te aru berabole shuru kore.

Itu kaam komor bhandha ke; dikhai tai khan laga taan bhabna ke. Itu ekta nishan ase tai khan laga bhabna laga ki tai khan nijor laga tezi ke kom nakoribo nahoilebi tai khan laga bhar ke niche rakhibo, tai khan nijor laga jaga napungcha tok.

Chela paul bhi dhure tai khan laga komor ke prachar koribole Isor ke. Tai koi: “hoilebi ekta kotha ami kore, pahore utu saman khan ke juntu piche ase aru pungche agete utu khan te juntu age ase, ami zor diye utu lakhsh nimite inaam karone upor pora mata laga isor Jisu Krista te” (phillipians 3:13-14).

Ami khan laga Isor Jisu ahe nichete prithibi te manu ke seva  koribole aru prachar koribole. Aru Tai akha kore apuni ke tai ke milibole, mukti dibole atma khan ke norok pora dhuri kene thaka khan ke aru pap laga shakti khan pora. Itu karone jai thakibi agete apuni laga gerua tok pora  aru ghutna laga anubhav pora aru ahibi komor tok laga anubhav te ekta taan bhabna thaki kene. Dibi nijor ke koribole Tai laga mantralay laga kaam ke pura apuni laga tagot di kene. Itu te ghushibole nimite komor tok laga pani te, apuni khan bandhibo lagibo apuni laga komor ke ekta thik bhabna thaki kene. Chela paul pora koi: “khara koribi, apuni laga komor bhandhi kene hosa pora, lagai kene kawach hosahobole laga” (Ephesians 6:14)

Ami kha pore khushi laga ghatna Jisu lagamantralay te John laga kitab te. “itu pichete, Tai dhale pani ekta chilamchi te aru dhulai tai laga chela khan laga theng khan, aru mushe gamcha logote juntu tai bandhi kene thakishe”(john 13:5). Bhabna koribi barhabole raja Mahima laga nomro kora te nijor ke ekta naukar tok. Isor laga bhacha khan, hobole dibi apuni laga monke chubole morom laga tyag pora ami khan laga Isor laga .

Aji bhabna koribole laga pobitro kotha tu hoile Luke 4:18 “atma Isor laga ase ami te, kilekoile tai amike chunishe prachar koribole subh samachar ke dukhiya khan ke.”