Nov 26 – PORIVAAR EKTA JUDHO BHUMI NISHINA!

Joshua 24:15 “hoile ami karone ami aru ami laga ghor, ami khan seva koribo Isor ke”.

Satan lagai diye judho khilaf te apuni laga porivaar te; aru milap te apuni laga porivaar majete, kilekoile porivaar ase ekta jaga nirmaan kora Isor pora; aru itu ase poila bhag sorkari laga.

Hoilebi Satan kuchis kore bonabole apuni laga porivaar ke ekta judho bhumi te. Aji, tat ease bishi porivaar khan jote mota khan mare maiki khan ke, porivaar khan thake virodhi maiki; porivaar jote mota maiki kotha nakore ekjn dusra jon ke; jote nai khemai. Kilekoile itu karone, porivaar jun thakibo lage swarg jinika, bodle narak te. Ekta jaga jote tate thakibo lage  Isor laga morom; tat ease khali tita. Aru bacha khan utu porivaar khan laga ase asar hoi kene itu tita hua pora.

Isor pormeshwar paishe itu bhal nahoi ki manu thakibo ekla; toh Tai nirmaan korishe keta modotkar juntu ase tulna koribole para tai ke. Itu ase ekta dangor ashirbaad thakibole morom ke, milap ke aru ekata ke porivaar majete. Jitya porivaar laga sadasya khan thake ekata mon laga, Isor pora dibo tai khan ke sob ashirbaad khan juntu ke tai khan prathana kore. Jitya duijorn jama kore eki logote naam te Isor laga, maujudgi Isor laga ahibo niche tate. Judi kunuba khedabo pare hazar ta ke, jitya mota aru maiki mile eki logote prathana te, tai khan dhale dos hazar ke jabole. Aru tinta jhapi diya ke joldh bhangabole napare.

Pachim desh khan te bishi porivaar khan bhanagi ken ease. Tate ase bishi maamla jote mota aru ekta maiki iki logote thake shadi nakori kene, nahoilebi alag hoi kene chutu samasya nimite. Kilekoile itu karone hi, bacha khan bishi asar hoi kene asse aru uthe ekta anth nishina; tai khan lath lage drugs laga aru khotom kore taikhan laga jibon ke.

Pobitro kotha te koi, “jitya tok Isor khara nakorai ghor ke, tai khan kaam kora ase ini jun khara koraishe” (psalm 127:1). Prathana ase nari juntu bandhe porivaar ke iki logote. “ekta porivaar prathana nathaka laga ase ekta ghor chat nathaki kene jinika” (Luke 19:5). Jitya isor ghushishe ghor te jairus laga, tai anishe tai laga mora chukri ke wapas jibon te.

Jitya isor ghushishe ghor te Peter laga sasu maa laga, Tai changai korishe tai ke bukhar pora. Tai ahishe ghor te lazarus laga Bethany te;a ru uthaishe mora Lazarus ke wapas jibon te. Ajibi, Tai kahra kori ase apuni laga darwaza te aru mari ase dorja te(Revelation 3:20). Ki ase apuni laga ghor laga stithi? Ki tat ease jaga Shanti laga Rajkumar nimite apuni laga ghor te?

Isor laga bacha khan, morom pora itu thki koribi kit ate iku tita nai nahoilebi gussa nai apuni laga porivaar te. Milap rakhibi sobse uncha dorkari te aru uttamta Isor ke aru sonman koribi Tai ke.a rut ate thakibo bharpurn maujudgi Isor laga apuni laga porivaar te.

Aji dhyan koribole laga pobitro kotha tu hoile Isaiah 8:18 “yate ase Ami aru bcha khan junke isor pora dishe ami ke! Ami khan ase chin aru achurit khan Israel te duth khan laga Isor te, jun thake Mount Zion te”.