Nov 26 – LANPHAM OIBA IMUNG MANUNG !

“adubu eihak amadi eigi imungnadi Prabhugi thougan touragani.” (Joshua 24:15).

Satanna nahakki imunggi maiyokta lan soknaduna leiri abni, aduga nahakki imunggi misinggi marakta nakhoi amaga amagi marakta leinariba mari adusu thugaina hotnei,maramdi imung manung haiasi Iswarna khwaidagi ahanbada semlakpa mahei tamphamni,aduga masi sasan tounabagi hourakphamni.

Adubu Satanna nahakki imung manung asi lanhpam oina onthokpa pammi. Ngasigi imungda mahakki nipana mahakki nupibu phuba leire,imung manungda mangak kanba nupi leire,aduga imung manungda matei manao kounadaba leire,aduga imung manungda koknadaba leire. Masigi maramna swarga mangadaba imung mayam asi norok manduna leire. Iswargi oiba minungshi leigadaba mapham aduda akhaba leire. Aduga madugi imungdagi angangsing adu akhaba wakhallon amadi akhaba matou aduna soktuna leire.

Nipa aduna matomta leiba adu phatte haiba khangle,aduna mahakna mahakki mateng oinaba ama sembikhre. Imungda nungshiba, amaga amaga saruk yanaba leibasi chaoraba bor ni. Imung manung aduna amata oibagi wakhallon leirabadi Iswarna makhoigi haijaba adu bor pibani. Mi anina Iswargi mingda amata oina leirabadi Iswarnasu makhoi anigi marakta yaorakkani. Mi amana lising amabu tannaba ngamlabada, matei manao anina amata oiduna haijabadi mi lising bu makhoigi anibu kiduna chengani. Thouri ahumna punshinba adu laina tatloi.

Nongchup lomgi imung mayam asi kaiduna leire. Nupi nupa anina luhongdaduna leiminnaraga aduga maram macha ama gi damakta hekta khainaba asi yamna thok i. maram asigi damakta machasing aduna orphan oinkhibani. Aduga makhoina drugsta laichuduna mapunshi mangtaktuna leire.

Sastrana hai, “ Jehovahna  yum adubu sabidrabadi, madu sariba makhoina arembada nombani, Jehovahna na sahar adu ngaktrabadi , santri touribana arembada miseng khangbani.” (Psalm 127:1).  Imung amabu punshinhanba thouri adudi haijaba asini. Haijaba yaodaba imung adudi yumthak leitaba imung gumbani. Aduna eikhoina yamna pukning changna haijagadabani.

Jesuna changlamba yum mayam leirammi. Mahakna Zacchaeus ta hairammi, “ nahak thuna kumtharak u, maramdi eina ngasi nahakki yumda thunggani. (Luke 19:5).Jesuna Zaachaeuski yumda changba matamda mahakki yumda arankhubam adu thunglakkhre. Prabhuna Jairus ki yumda changba matamda mahakki machanupi adubu sibadagi hinggatlakkhi.

Jesuna  Petergi manembokki yumda changba matamda mahakki arum laihou adu phahanbire. Mahakna Bethanygi maphamda leiba Lazaruski yumda changkhi aduga mahakna lazarus bu asibadagi hinggat hankhi. Ngasisu nahakki yumda changnaba nahakki thonggan da leptuna thongda yeiduna leiri. (Revelation 3:20).  Nahakki yumgi phibam adu karam touri. Nahakki yumda Ingthabagi Jubraj ki damakta mapham leiribra?

Iswargi machasing nahakki yumda akhaba amadi asaoba asi leibra haibadu cheksinbiyu. Khudingmaktagi henna Iswarda ikaikhumnaba adu pi biyu. Adu oirabadi nahakki imung adu Iswarna loinabigani.

*Dhyan tougadaba: “yengu, Jehovahna eingonda pibiba angangsing amsung eihak! Siyon chingda leiba lanmi tenggolsinggi juehovahdagi eikhoidi Israel da khudamsing amsung angakpa khudamsingni.  ” (Isaiah 8:18).*​