Nov 25 – VASANTH DWARA!

Genesis 49:22 “joseph ekta phal daik labh thakishe, ekta phal daik labh vasanth dwara; tai laga theni khan polai bera laga kina rte.”

*Ashirbaad khan Joseph laga chokra khan laga thakishe bishi achurit aru anandayak ashirbaad thakishe Jacob laga, tai laga bacha khan uorte. Isor jun ashirbaad diye Joseph ke iman achurit pora, ashirbaad dibo apuni ke bi itu bnishina hi; kilekoile Tai logote pakshpath nai.

Pobitro kotha te koi ki Joseph ekta phal daik labh ase; jun tu asol thene thakishe gash laga. Judi itu ke lagai sukha mati te, itu pora phal nadibo. Kote apuni ke lagai ken ease? Judi apuni ke lagai kene ase ekta vasanth usorte, tini hoile apuni dibo bishi phal Isor nimite.*

Apuni khushi hoi sabole ekta gash ke phal bhorta lagi kene. Itu sabole bishi bhal lage aru apuni prashansa kore utu phal laga swadh ke. Hoilebi inika bhorta phal dhora laga rahasya tu hoile; itu laga jor mili kene thaka pani logote hi ase. Apuni khan dikhishe pare bishi biswasi aru pracharak khan Isor laga, jun khan bishi phal daik ase; aru apuni bhana kore ki kinika tai khan iman bhorta thake uphar aru shakti Ppobitro Atma laga. Itu laga rahasya tu; kinika iman gehra pora tai khan mili kene thake Isor laga Atma logote. Tai khan hodai hi berai Isor logote.

Jitya apuni dikhke ujala bishi ujala diya,apuni khushi kore utu ujala te. Hoilebi apuni jane utu ujala laga rahasya? Itu kilekoile utu batti diya laga dubi kene thake tel te. Apuni laga mon; juntu batti ase thakibo lage mili kene Pobitro Atma te,  uthibole aru chamki bole ujala pora.

Jitya apuni dikhe uncha imarat khan, apuni khushi pai tai laga unchain pora. Hoilebi kinika tai khan tagot pai khara thakibole iman uncha aru achurit pora? Itu kilekoile tai laga jor tu pathorte ase. Sob khan jun thake gehra risht Krista logote – Atmakarik Pathor; tai khan kitya bi nahilibo aru tai khan ke bhari barish pora,  aru tez toofan khan iku koribole naparibo aru tai khan thakibo dhuri kene imarat juntu ase paaka jor te.

Isor laga bacah khan, Isor apuni ke lagai she nadi kinarte aru tai akha kore apuni ke dhuribole phal Tai nimitte. Pobitro kotha te koi: “ashirbaad ase manu jun khushi kore Isor laga niom te, aru tai laga niom te, tai bhabna kore din aru rati. Tai hobo ekta gash nishina juntu ke lagai ken ease pani khan te nadi laga kinarte, juntu dhure phal tai laga mausam te, jun laga patta namore; aru tai ji korile bi unnatti hoi” (Psalm 1:2-3).

Isor laga bacha khan, apuni khan mili ken ease Isor laga atma logote, pura din aru rati bi? Judi inika ase, apuni ekta phal daik vasanth hobo.

Aji bhabna koribole laga pobitro kotha tu hoile Revelations 22:2 “sob gash dhuri thaka phal hodai mohina. Patta khan utu gash laga thakishe cahangai dibole sob desh khan ke.”