Nov 25 – Passijan Karudkudan Dele Bethlehem-lingan!

“Iten asan gamlenden anlen amangban aboi passijan karudkudan dele; anlen amangban aboi onggeronan taniyan dele. Anin a kaparda lingan dane-birdaran danakkun dete.” (Jisaiya 9:6).

Anten asan Anin asuyeman batte d’onglen dongrable dakute. Bo denna Gamangtungan gijgijle Mojes amangba do gamle. Kisimissin ayamling, s’ingboi-hen bangsa pupu dihle, do angante ajumben ambele oskaiheten passijanji kudi kota deleji.

Anappai Pitor gameten “Hen buten buten a d’ong asuyeman apsuiben itsumtai, aninji a d’ong asuyeman apsuitai.

Tanahimdam Kitungan a onagji, sattang Kitungan janardindage aranabrab do yaryarmanengba rable dakute. Bindo inslo-hen bangsale gadlamle a d’ongan abomdete: ‘Hen omdele adraptiai. Kitunglen a suyeman mangbalen dile-tordong absuite, tanimhiman do sanayaman.

A tanimhiman do asuyeman mangbalen absuite kanina ate Anin abaran. Yan bangsa beran ‘Gamangtungan a Lippa’! Kitungan lippa tiybenten, itente lanumudlingan at’arben apsele. Kan batte absuite amben a hanaben dete. Nami iten agaramgam lippa? Mandran a janggardan na Kitungan batte taniyan dele.

Mandran amang janggardan do pwrardan daku do kan kuddub d’ong-lingan dakuten. Angante d’ongan kadhidte, janggardan do pwrardan ameng dakute, aninji na er hidmandrengna do agaja adtakude. D’ongan batte amben kan ordarlingan daku. Kitungan moloi janaban tiyaiten d’ong-lingan, kan ordarlingan adakunaben asan.

Bindo Kitungan janggardan tiyaiten, lippa ambrij, janggardadage a dakunaben asan. Kan batte amben dakulen araptite itente bangsa orde itente er bangsa do Kitungan a itsum a galamben asan mandrengna lingan (Luk 2:10-11).

Ateng ayam, angante amben apangte er bangsa gadrij’enan, janggardan-ling-ben kanalkalan dete. Do angante er bangsa baran alumte, boi kalaibelaige a dete, do kun ayam amben boi boi dukkadataben. Angante amben agijte jajingante a mandrnji?Bar itente itente Hen opunglaben anta kudduban abmele Anin abayimtaben. Tanahimdam Kitungan a onagji, amben nami dukkadam do dukkapo? Amben itente a tagor-ling a haten tette-lingan kalai bilaige dakupo.

Okiy Kinolbe absele: “Iten asan gamlenden itente a ranabraban kuddub mandranji a mukkaban Aman oskaile, antate maddam-hen batte gijlai. Kunate bzgarda jattinji amangban abpunggeben asan do mandra-Namji Israel apsele ganugu panemengan daku, asan bo panuangge” (Luk 2:30-32).