Nov 25 – BACHA JONOM HUA BETHLEHEM TE!

Isaiah 9:6 “kilekoile ami khan ke bacha jonom hoishe, ami khan ke Putrp dishe; aru sorkaar pora dibo Tai laga kandha te”.

Ami laga morom Christmas sandesh di ase sob ke member khan ke Antantulla Appam laga porivaar khan ke. Hobole dibi Isor laga maujudgi, Tai laga daya aru shanty apuni logote ekta khas hisab te, aji laga din te, jitya apuni anondo pora manai jonomdin ke Isor laga apuni laga porivaar logote.

Itu Christmas laga mausam te khali nahobo lage din khushi manai diya laga, hoilebi ekta homoi bhorta koribo lage itu udesh te juntu karone Isor Jisu itu prithibi te ahishe.

Sishu Jisu jonom hoishe dui hazar saal agote Bethlehem te, David lagan agar te. Tai laga  jonom hoishe ekta bhal jagate, iku dangor nathaki kene. Tai jonom hoishe ekta chutu jag ate aru Tai laga ama kapra logte dhuri kene thake aru rakhe tai ke gowhai te.

Itu shishu pora hi bodlav anishe. Aru Tai jonom hoishe bhorta koribole akha ke bishi gusti laga; jonom hoishe ekta naam logote juntu age pora Tai ke di kene  thakishe.tai jonom hoishe dikhabole, aru dibole Tai laga jibon ke ekta daan hisab te. Kun shishu bi itihas te itu prithibi laga, ke inika akha thakanai, Tai ke age pora hi jani thakishe Tai prithibi te na aha agete bi.

Nabi Isaiah  jun thakishe 900 saal tok Jisu Krista laga jonom   pora, dikhishe drishti te tai laga nabi laga suku pora. Jitya Isaiah thakishe purana niom te, tai drishti dikhishe Isor ius Krista laga, jun laga uddesh te thakishe notun Niom laga. Tai dangor pora utsuk hoishe aru koishe: “kilekoile amikhan ke bacha jonom hoishe”.

Sadharan te jitya bacha jonom hoi ekta porivaar te, ama baba khan gaurav hoi kene mate tai khan laga bacah khan ke nijor ase koi kene. Hoilebi Iosr Jisu, jonom hua nahoi khali Mary aru Joseph nimite, nahoilebi khali jewish manu khan nimite, hoilebi Tai ke dishe bacha nishina pura prithibi karone. Itu karone, jews aru gentiles khan koi Tai ke nijor koi kene. Isor dishe Tai laga ekta putro ami khan nimite.

Itu karone duth khan pora koi: “kilkeoile thakibi, Ami ane apuni ke leher khan dangor anondo laga juntu hobo sob manu khan karone. Kilekoile jonom hua pora apuni ke aji laga din tok david lagan agar te ekta rakshak, jun Krista ISOR  ase” (luke 2:10-11).

Judi Krista jonom hoishe apuni nimite, ki apuni nadibo laga jaga Taike apuni laga mon te aru ghor te? Itu homoi te Tai laga jonom laga, tate ekta jaga thakishe Tai thakibole laga. Ki Tai jonom huanai itu prithibi te  ekta rakshak hoi kene? Isor laga bacha khan, nasai kene  jun  hoilebi  tai ke mana  kora tu tai khan laga mon te, apuni khan janibo lage ki Tai jinom hoishe ami khan sob nimite, aru dibo lage Tai ke hodai din thakibole laga jaga apuni laga mon te.

Aji bhabna koribole laga jaga tu hoile luke 2:30-32 “Isor amilaga suku pora dikhishe apuni laga mukti ke, juntu Apuni rakhi ase sob manu khan laga agete, ekta ujala anibole dikhai diya laga gentiles khan ke aru mahima apuni laga anu khan Israel laga nimite .